​Қазақстан жолдарында қызық түсті сызық пайда болуы мүмкін

Қарағанды облысында жолдағы қауіпсіздікті арттыру мақсатында эксперименттік жол таңбасы сызылды

Пилоттық жобаны «ҚазАвтоЖол» ҰК» АҚ Қарағанды облыстық филиалы мен Әкімшілік полиция басқармасы бірлесіп жүзеге асырды.

Жаңа таңба республикалық маңызы бар «Қарағанды – Аягөз – Бұғаз» автожолының 85-86 шақырым аралығында, яғни апат жиі орын алатын қауіпті учаскесінде сызылған. 

Аталған бастама аясында жолдың жүру бөлігінің шетіне қызыл түсті сызық сызылды.

Мамандардың пайымдауынша, бұл жаңашылдық жол бөлігінің шекарасын айқын көрсетіп, әсіресе қауіп жоғары жағдайларда жүргізушілердің назарын аударуға бағытталған.

Қазіргі уақытта енгізілген шешімнің тиімділігіне мониторинг жүргізіліп жатыр. 

Оң нәтиже көрсеткен жағдайда, бұл тәжірибені республикалық маңызы бар басқа да автомобиль жолдары учаскелеріне кеңінен енгізу қарастырылмақ.

Бүгін, 19:13