Қазақстанда 2027 жылы ең төменгі зейнетақы өседі бюджет жобасы

2027 жылы Қазақстанда ең төменгі зейнетақы мөлшері артады. Жаңартылған көрсеткіштер 2027–2029 жылдарға арналған республикалық бюджет жобасына енгізілді, оны "Ашық НҚА" порталында Қаржы министрлігі жариялады, деп хабарлайды Tengrinews.kz тілшісі.

Республикалық бюджет жобасына сәйкес, 2027 жылы Қазақстандағы ең төменгі зейнетақы мөлшерін 74 919 теңгеге дейін ұлғайту жоспарланған. Салыстырмалы түрде: 2026 жылы бұл көрсеткіш 69 049 теңге.

Осылайша, ең төменгі зейнетақы 5 870 теңгеге немесе шамамен 8,5 пайызға өседі.

Ең төменгі зейнетақы – бұл мемлекет белгілеген зейнетақы төлемінің ең аз мөлшері. Қарапайым тілмен айтқанда, бұл зейнетақының ең төменгі шегі, одан төмен болуы мүмкін емес.

Бірақ ең төменгі зейнетақыны ең төменгі зейнетақы төлемімен шатастырмау керек. Нақты адамның зейнетақы мөлшері оның еңбек өтіліне, табысына және зейнетақы төлемдерінің түріне байланысты болады.

Әзірге бұл тек бюджет жобасына қатысты екенін айта кеткен жөн. Құжат қоғамлық талқылауға шығарылды. Бұл онда көрсетілген сомалардың әлі түпкілікті емес екенін білдіреді.

ҚАЗІР ТАЛҚЫЛАНЫП ЖАТЫР

Қызылорда облысында жыл басынан бері 88 мыңнан астам ағаш көшеті егілді

29 тамыз 15:33 1

Қоғамдық талқылау аяқталғаннан кейін бюджет жобасы Парламенттің қарауына жіберіледі. Депутаттар өзгерістер енгізуді ұсынып, құжаттың жекелеген параметрлерін түзете алады. Құжат Президент қол қойғаннан кейін күшіне енеді.

Сондай-ақ, 2027 жылдан бастап Қазақстанда айлық есептік көрсеткіш (АЕК) мөлшері өзгермек. Ол қандай болатынын – сілтеме арқылы оқыңыз.

Google News арқылы жаңалықтарымызды қадағалаңыз