Қазақстанда қарыз алушының қаржылық жүктемесін есептеудің жаңа тәсілі енгізіледі

Қазақстанда тұтынушылық қарыздардың шамадан тыс өсуі мен азаматтардың қайта-қайта мерзімін кешіктіру жағдайлары көбейгендіктен, қаржылық жүктемені есептеудің жаңа тәсілі енгізіледі, деп хабарлайды Egemen.kz.

Фото: Ашық дереккөз

Негізгі өзгерістердің бірі – соңғы 12 айда 90 күннен ұзақ мерзімге кешіктірілген берешегі бар азаматтар үшін DBR коэффициентін 0,5-тен 0,25-ке дейін төмендету. Бұл шешім тәуекелі жоғары санаттағы клиенттердің жаңа несиеге қол жеткізуін шектеп, жалпы қаржы жүйесінің тұрақтылығын нығайтуға бағытталған.

Сарапшылар бұл өзгерістер жақын айларда тұтынушылық несие өсімінің баяулауына әкелуі мүмкін екенін айтады. Сонымен қатар олар қаржы саласында баламалы өнімдердің жинақтаушы және сақтандыру құралдарының дамуына серпін беруі ықтимал екенін атап өтті.