Қазақстанда жаңа форматтағы эндаумент қорға 10 млрд теңге тартылады

Қазақстанда жаңа модель бойынша алғашқы эндаумент қорға 10 млрд теңгеге дейін қаржы тарту жоспарланып отыр.
Бұл туралы Саясат Нұрбек Үкімет отырысында мәлімдеді. Министрдің айтуынша, қаражат бір компанияның міндеттемелері есебінен жинақталған. Жаңа қор ғылыми жобаларды ұзақ мерзімді қаржыландыруға бағытталады.

Сонымен қатар ғылыми-техникалық жобаларды қолдау үшін арнайы гранттар енгізіліп, зерттеулерді коммерцияландыруға дейін жеткізу тетіктері қарастырылуда.

Бұдан бөлек, Бюджет және Салық кодекстеріне енгізілген өзгерістер аясында бизнеске ғылымға инвестиция салғаны үшін 300%-ға дейін салықтық жеңілдіктер беру көзделген.

Алдағы уақытта жоғары оқу орындары мен ғылыми-зерттеу институттары жанынан осындай эндаумент қорлар құру жоспарланып отыр.