Қазақстандық әйел 290 миллион салық төлемегеннен кейін Ресейге қашып кетті

290 миллион теңгеден астам сомада салық төлеуден жалтарды деп күдіктелген Қазақстан азаматы Ресейден экстрадицияланды. Әйел Краснодар қаласында ұсталды, деп хабарлайды Tengrinews.kz Бас прокуратураға сілтеме жасап.

Тергеу барысында күдіктінің 2022–2023 жылдары коммерциялық ұйымның директоры қызметін атқарғаны анықталды. Тергеу нұсқасы бойынша, ол салық декларацияларына табысы туралы бұрмаланған мәліметтер енгізген, соның салдарынан компания 290 миллион теңгеден астам сомада салық төлеуден жалтарған.

"Қылмыс жасағаннан кейін күдікті қылмыстық қудалау органынан жасырынып, соған байланысты оған халықаралық іздеу жарияланды", - деп хабарлады Бас прокуратура.

Қаңтар айында қазақстандық әйел Краснодар қаласында ұсталып, Қазақстан Бас прокуратурасының сұрауы бойынша отанына экстрадицияланды. Қазіргі уақытта күдікті тергеу изоляторына қамалды.

Оған тағылған қылмысты жасағаны үшін белгілі бір лауазымдарды атқару немесе белгілі бір қызметпен айналысу құқығынан үш жылға дейінгі мерзімге айыра отырып, 8 жылға дейін бас бостандығынан айыру жазасы қарастырылған.

Google News арқылы жаңалықтарымызды қадағалаңыз