Қазақстандық әйел Тоқаев сыйлаған сағатты 3 миллион теңгеге жуық бағаға сатылымға шығарды

Қарағанды тұрғыны Анна Захарова Қазақстан Президенті Қасым-Жомарт Тоқаев сыйға тартқан сағатты сатылымға шығарды. Естелік сыйлық үшін иесі 2,9 миллион теңге сұрап отыр, алайда орынды саудаласуға дайын.

Әйелдер сағатын сату туралы хабарландыру Kaspi платформасында пайда болды. Көрсетілген бағасы — 2 899 000 теңге.

Тоқаевпен кездесуден кейін алған

Захарованың айтуынша, сағат оған 2023 жылы Қасым-Жомарт Тоқаевпен кездесу кезінде табысталған. Сол кезде Қарағанды тұрғыны Президентке бір жарым айлық тазы күшігін сыйлаған, ал жауап ретінде Мемлекет басшысының қолтаңбасы қойылған сағат алған.

Иесі сыйлықты естелік әрі мәртебелі бұйым деп санайды, алайда оны тағуды жоспарлап отырған жоқ. Сағатпен бірге сатып алушыға оны растайтын құжаттар да беріледі.

Тауар Қарағандыда орналасқан. Қажет болған жағдайда сатушы оны басқа елге пошта арқылы жіберуге дайын.

Бағасы өседі деп үміттенеді

Захарова сағат коллекционерлердің қызығушылығын тудыруы және уақыт өте келе қымбаттауы мүмкін деп есептейді. Оның пікірінше, мемлекет қайраткерлері мен тарихи маңызы бар оқиғаларға қатысты заттардың қосымша құндылығы болуы мүмкін.

Иесі он жылдан кейін сағаттың бағасы 30 миллион теңгеге дейін жетуі мүмкін деген болжам жасады. Алайда бұл — оның жеке бағасы және тәуелсіз сарапшылардың қорытындысымен расталмаған.

Бұған дейін сағат арзанырақ сатылымға қойылған

Пікірлердің бірінде қолданушы бұл сағаттың бұған дейін 1,5 миллион теңгеге сатылымға қойылғанын, алайда сатып алушы табылмағанын жазды.

Захарова онымен дауласпай, пікір авторына сағатты бұрынғы бағасымен — 1,5 миллион теңгеге сатуға дайын екенін айтты.

Кеше, 16:24