Маңғыстауда BMW жүргізушісі 3 миллион теңгеге жуық айыппұлмен ұсталды

Маңғыстау облысының полицейлері бейнебақылау камераларының көмегімен Атырауда жалпы сомасы 2,7 миллион теңге болатын 43 әкімшілік айыппұлы төленбеген BMW көлігін анықтады, деп хабарлайды Tengrinews.kz.

Облыстық департаменттің баспасөз қызметінің мәліметінше, Жедел басқару орталығының қызметкерлері көлікті сәрсенбі күні, 23 қыркүйекте сағат 10:30 шамасында Мұса Баймұханов көшесінде анықтаған.

Олар бұл ақпаратты патрульдік полиция өкілдеріне жолдады. Тәртіп сақшылары бағыттама бойынша автокөлікті тоқтатты.

"Құқық бұзушыға қатысты тиісті әкімшілік шаралар қабылданып, көлік құралы арнайы тұраққа қойылды", - делінген баспасөз хабарламасында.

Ведомство тұрғындарды заңнама талаптарын сақтауға, жол жүру ережелерін бұзбауға, ал әкімшілік құқық бұзушылық жасалған жағдайда айыппұлдарды уақтылы төлеуге шақырды.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

Еске сала кетейік, бұған дейін Алматыда айыппұл бойынша қомақты қарызы бар көліктерді анықтау бойынша рейд жүргізілген болатын. Полиция мәліметінше, соңғы 5 күнде иелерінің үлкен қарызы бар 20-дан астам көлік ұсталды.

Автокөліктердің басым бөлігі шетелдік есепте тұрған. Мәселен, Қырғызстанда тіркелген BMW иесі 1 миллион 700 мың теңгеден астам сомаға айыппұл төлемеген. Дегенмен, борышкерлер арасында қазақстандық мемлекеттік тіркеу нөмірлері бар жүргізушілер де кездесті.

Бес рет жол ережесін өрескел бұзса, айыппұлға жеңілдік болмайды: ІІМ не ұсынады?

Бізді Google-дың негізгі дереккөздер тізіміне қосыңыз