Қазақстанға +32 градусқа дейін аптап ыстық қайтады

"Қазгидромет" синоптиктері 19, 20 және 21 қыркүйекке арналған ауа райы болжамын ұсынды, деп хабарлайды Tengrinews.kz тілшісі.

Болжамға сәйкес, алдағы үш тәулікте Қазақстанда ауа райы біртіндеп өзгереді: республиканың солтүстік-батысында, кейін солтүстігінде жауын-шашын тоқтап, ауа температурасы көтеріледі. Бұл ретте оңтүстік пен оңтүстік-шығыста найзағай ойнап, жаңбыр жауады.

Елдің бірнеше өңірінде ауа райы біртіндеп жақсарады деп болжанады. Солтүстік-батыста жауын-шашын тоқтап, кейін бұл үрдіс Қазақстанның солтүстігінде жалғасады. Сонымен қатар ауа температурасы жоғарылайды.

Республиканың батысында жауын-шашынсыз ауа райы сақталады.

Күндіз елдің солтүстігінде ауа температурасы +17...+25 градусқа дейін, орталық және батыс өңірлерде +20...+28 градусқа дейін көтеріледі. Оңтүстік пен оңтүстік-шығыста бұдан да жылы болады: мұнда термометр бағаны +27...+32 градусқа дейін жетеді.

Десе де, жаңбырлы ауа райы Қазақстаннан біржола кетпейді. Оңтүстік пен оңтүстік-шығыстың кей жерлерінде өткінші жаңбыр жауып, найзағай ойнайды және жел күшейеді деп болжанады.

Таулы аймақтарда кей уақытта қатты жаңбыр жаууы ықтимал. Жауын-шашынға қарамастан, оңтүстік өңірлерде жылы ауа райы сақталады.

Бұған дейін синоптиктер Қазақстандағы қазанға арналған ауа райы болжамын ұсынған болатын. Айдың басында бірқатар өңірде күн әлі де жылы болады деп болжанады, алайда кейін температуралық фон өзгереді.

Бұл ретте ауа райы аймақтар бойынша айтарлықтай ерекшеленеді: кей облыстарда жылы болса, басқаларында күн суытып, жаңбыр мен қар жаууы мүмкін.

Бізді Google-дың негізгі дереккөздер тізіміне қосыңыз