Қазақстанның бірнеше өңірінде және елордада үсік жүреді

Солтүстік Қазақстан облысында жаңбыр жауып, найзағай ойнайды. Түнде және таңертең облыстың оңтүстігі мен шығысында тұман түсуі ықтимал. Жел оңтүстік-шығыстан, оңтүстіктен соғып, күндіз екпіні секундына 15–20 метрге жетеді. Түнде облыстың солтүстігі мен шығысында ауа температурасы бір градусқа дейін төмендеп, үсік жүруі мүмкін. Петропавл қаласында да 28 сәуірде желдің жылдамдығы күндіз 15–20 м/с болады.

Түркістан облысында солтүстік-шығыс желі секундына 15–20 метрге дейін күшейеді. Шымкент пен Түркістан қалаларында да осы күні желдің екпіні 15–20 м/с болады.

Қостанай облысында өткінші жаңбыр жауып, найзағай ойнайды. Түнде және таңертең облыстың шығысы мен оңтүстігінде тұман түседі. Жел оңтүстік-шығыстан соғып, батысы мен солтүстігінде екпіні 15–20 м/с-қа жетеді. Түнде кей жерлерде ауа температурасы бір градусқа дейін төмендеп, үсік болуы мүмкін. Қостанай қаласында 28 сәуірде күндіз жаңбыр жауып, найзағай болады.

Қарағанды облысында тұман түседі. Жел шығыс және солтүстік-шығыс бағыттан соғып, таңертең және күндіз облыстың шығысы мен оңтүстігінде екпіні 15–20 м/с-қа дейін күшейеді. Түнде солтүстік пен шығыста ауа температурасы екі градусқа дейін төмендеп, үсік жүруі ықтимал.

Ақмола облысында да тұман түседі. Түнде облыстың солтүстігі, оңтүстігі және шығысында үш градусқа дейін үсік жүруі мүмкін. Астана қаласында 28 сәуірге қараған түні ауа температурасы екі градусқа дейін төмендейді.

Батыс Қазақстан облысында жаңбыр жауып, найзағай ойнайды. Түнде және таңертең облыстың батысы, солтүстігі және шығысында тұман түседі. Жел оңтүстік-батыстан соғып, күндіз екпіні 15–20 м/с-қа жетеді. Орал қаласында да түнде жаңбыр жауып, найзағай ойнайды, таңертең тұман болады.

Шығыс Қазақстан облысында 27–28 сәуір күндері жауын-шашынға байланысты өзендердегі су деңгейі көтерілуі мүмкін. 28 сәуірге қараған түні облыстың шығысында жаңбыр мен қар аралас жауын күтіледі, күндіз оңтүстігі, шығысы және орталығында жаңбыр, найзағай және бұршақ болуы ықтимал. Түнде және таңертең солтүстік пен шығыста тұман түседі. Жел солтүстіктен соғып, кей жерлерде екпіні 15–23 м/с-қа дейін күшейеді. Оңтүстік-шығысында өрт қаупі жоғары. Өскемен қаласында күндіз желдің екпіні 15–18 м/с болады.

Алматы облысында жаңбыр жауып, найзағай ойнайд. Жел солтүстік-батыстан солтүстік-шығысқа ауысып, облыстың солтүстігі, шығысы және таулы аудандарында екпіні 15–20 м/с-қа жетеді.

Алматы қаласында 28 сәуірде таңертең және күндіз жаңбыр жауып, найзағай ойнайд. Іле Алатауының таулы аймақтарында да осындай ауа райы сақталады. Желдің екпіні 15–20 м/с.

Жетісу облысында жаңбыр жауып, найзағай ойнайды. 28 сәуірде облыстың шығысы мен оңтүстігінде төтенше өрт қаупі сақталады.

Маңғыстау облысында жаңбыр жауып, найзағай ойнайды. Күндіз облыс орталығында шаңды дауыл тұруы мүмкін. Жел солтүстіктен соғып, екпіні 15–20 м/с-қа жетеді. Ақтау қаласында түнде желдің екпіні 16 м/с болады.

Павлодар облысында тұман түседі. Түнде облыстың солтүстігі мен шығысында үш градусқа дейін үсік болуы мүмкін. Солтүстігінде өрт қаупі жоғары. Павлодар қаласында түнде және таңертең тұман түсіп, ауа температурасы екі градусқа дейін төмендейді.

Ақтөбе облысында өткінші жаңбыр жауып, найзағай болады. Жел оңтүстіктен соғып, батысқа ауысады, кей жерлерде екпіні 15 м/с. Облыстың оңтүстік-шығысында өрт қаупі жоғары. Ақтөбе қаласында 28 сәуірде күндіз жаңбыр жауып, найзағай ойнайды.

Қызылорда облысында шаңды дауыл болады. Жел солтүстік-шығыс және шығыс бағыттан соғып, күндіз екпіні 15–20 м/с-қа жетеді. Қызылорда қаласында желдің екпіні күндіз 15 м/с болады.

Атырау облысында жел оңтүстік-батыстан соғып, солтүстік-батысқа ауысады. Түнде облыстың солтүстігінде екпіні 15–20 м/с-қа жетеді.

Абай облысында жаңбыр жауып, найзағай ойнайд. Жел солтүстік және солтүстік-шығыс бағыттан соғып, кей жерлерде екпіні 15–23 м/с-қа дейін күшейеді. Түнде облыстың батысы мен солтүстігінде топырақ бетінде бір градусқа дейін үсік болуы мүмкін. Орталық бөлігінде өрт қаупі жоғары. Семей қаласында күндіз желдің екпіні 15–18 м/с болады.

Жамбыл облысында жаңбыр жауып, найзағай ойнайды. Түнде және таңертең таулы аудандарда тұман түседі. Жел солтүстік-шығыстан соғып, кей жерлерде екпіні 15–23 м/с-қа дейін жетеді.

Осыған дейін Павлодар облысында дауылдан екі әйел зардап шеккені туралы жаздық.