Қазақстанның бірқатар өңірінде ауа райына байланысты ескерту жарияланды

Жетісу облысының шығыс, орталық және таулы аудандарда тұман күтіледі. Күндіз облыстың солтүстік, оңтүстік және шығыс бөліктерінде оңтүстік-батыстан соққан желдің екпіні – 15-20 м/с, ал Алакөл көлдері ауданында 23-28 м/с жетеді.

Ақмола облысында қар жауып, бұрқасын болады, көктайғақ күтіледі. Түнде облыстың солтүстік және шығыс бөліктеріне де қар түсуі ықтимал. Кей аймақтарға тұман түседі. Жел солтүстік-батыстан соғып, екпіні 15-20 м/с болады. Көкшетауда қар жауып, бұрқасын жүреді, түнде қар қалыңдау болады. Желдің екпіні түнде – 15-20 м/с.

Алматы облысының оңтүстігі мен таулы аймақтарында түнде және таңертең тұман күтіледі. Күндіз облыстың солтүстік, оңтүстік және таулы аудандарында желдің бағыты оңтүстік-шығыстан солтүстік-батысқа ауысып, екпіні 15-20 м/с болады. Алматы және Қонаев қалаларында түнде және таңертең тұман болады, желдің екпіні 15-20 м/с.

Ақтөбе облысының батысы мен солтүстігінде тұман түседі. Ақтөбеде түнде және таңертең тұман күтіледі.

Павлодар облысында қар жауып, бұрқасын болады. Облыстың батысы мен оңтүстігінде қар қалың түседі, ал солтүстігінде тұман болуы ықтимал. Желдің бағыты солтүстік-шығыстан солтүстік-батысқа ауысып, екпіні – 15-20 м/с, күндіз оңтүстік бөлігінде 25 м/с жетеді. Павлодар қаласында қар жауып, бұрқасын болады, желдің екпіні – 15-20 м/с.

Шығыс Қазақстан облысында қар жауып, бұрқасын жүреді. Күндіз облыстың солтүстік және шығыс бөліктерінде қар қалың түседі, түнде оңтүстігінде тұман болады. Жел оңтүстік-шығыстан солтүстік-батысқа ауысып, екпіні – 15-20 м/с, кей уақытта 23 м/с жетеді. Өскеменде қар жауып, бұрқасын болады, желдің екпіні – 15-20 м/с, кей уақытта – 23 м/с.

Абай облысында түнде және күндіз батыс, солтүстік және орталық аудандарда қар жауып, бұрқасын жүреді. Оңтүстігінде көктайғақ және тұман болады. Жел оңтүстіктен солтүстік-батысқа ауысып, түнде – 23-28 м/с, күндіз 23-28 м/с дейін, кейде 30 м/с және одан жоғары екпінге жетеді. Семей қаласында қар жауып, бұрқасын болады, желдің екпіні – 15-20 м/с, күндіз – 23 м/с.

Жамбыл облысында кей уақытта тұман түседі. Жел солтүстік-батыстан соғып, түнде және күндіз оңтүстік-батысындағы таулы аудандарда екпіні 15-20 м/с болады. Тараз қаласында тұман күтіледі.

Қарағанды облысында түнде батыс, солтүстік және шығыс аудандарда, күндіз солтүстік және шығыс бөліктерде қар жауып, бұрқасын болады. Солтүстік, шығыс және оңтүстік аудандарда тұман түседі. Жел оңтүстік-батыстан және батыстан соғып, екпіні – 15-20 м/с. Қарағанды қаласында қар жауып, бұрқасын болады, тұман түсуі мүмкін.

Ұлытау облысында түнде солтүстік, шығыс және орталық аудандарда қар жауып, жаяу бұрқасын болады, тұман түседі. Жел солтүстік-батыстан соғып, күндіз шығыс бөлігінде екпіні – 15-20 м/с. Жезқазғанда түнде қар жауып, жаяу бұрқасын болады, тұман болуы ықтимал, желдің екпіні – 15-20 м/с.

Маңғыстау облысының солтүстік және орталық аудандарында түнде және таңертең тұман түседі. Жел шығыстан соғады, екпіні – 15-20 м/с.

Қостанай облысында түнде солтүстік, шығыс және оңтүстік бөліктерде қар жауып, бұрқасын болады. Батыс, солтүстік және шығыс аудандарда тұман түседі. Жел солтүстік-батыстан соғып, екпіні – 15-20 м/с.

Солтүстік Қазақстан облысында 23 ақпанда күндіз облыстың шығыс бөлігінде қар жауып, бұрқасын күтіледі. Облыстың батысында тұман түседі. Жел солтүстіктен және солтүстік-шығыстан соғып, түнде және күндіз шығыс аудандарында екпіні 15-20 м/с болады. Петропавл қаласында түнде қар жауып, бұрқасын күтіледі, желдің екпіні 15-20 м/с шамасында болады.

Қызылорда облысының орталығында тұман түседі деп болжанып отыр. Күндіз облыстың солтүстігі мен оңтүстігінде солтүстіктен және солтүстік-шығыстан жел соғып, екпіні – 15-20 м/с. Қызылорда қаласында 23 ақпанда кей уақытта тұман күтіледі.

Түркістан облысының батысы, солтүстігі, оңтүстігі және таулы аймақтарында тұман түседі. Таңертең және күндіз таулы өткелдерде солтүстік-шығыстан соққан желдің екпіні 15-20 м/с болады. Шымкент пен Түркістан қалаларында 23 ақпанда түнде және таңертең тұман күтіледі.

Астана қаласында 23 ақпанда кей уақытта қар жауып, бұрқасын және көктайғақ болады. Жел солтүстік-батыстан соғып, екпіні кей уақытта 15-20 м/с жетеді.

Батыс Қазақстан облысының батысы, солтүстігі, шығысы және орталық бөлігінде тұман түседі деп күтіледі.

Еске сала кетейік, бұған дейін ауа райына байланысты үш облыста көлік қозғалысы шектелген еді.