Қазақстанның қуат шығыны ауқымы жағынан жекелеген өңірлер тұтынатын энергия көлеміне тең Тоқаев: 02 маусым 14:59 жаңалықтар

Президент Қасым-Жомарт Тоқаев Алатау қаласы ресурстарды оңтайлы, үнемдеп қолдануда үлгі болуға тиіс екенін айтты, - деп хабарлайды Tengrinews.kz тілшісі Ақордағы сілтеме жасап.

Президент Қасым-Жомарт Тоқаев Алатау қаласы ресурстарды оңтайлы, үнемдеп қолдануда үлгі болуға тиіс екенін айтты, - деп хабарлайды Tengrinews.kz тілшісі Ақордағы сілтеме жасап.

"Халықаралық энергетика агенттігі әзірлеген бұл тұжырымдама энергияның тиімділігі мен қуат үнемдеуді арттыру шараларын кеңінен енгізуді қарастырады. Үнемделген энергияның бағасы жаңадан өндірілетін электр энергиясының құнына қарағанда, тіпті өндірістің қолжетімді түрлерімен салыстырғанда 2-3 есе төмен болатыны есептелген. Бұл жерде міндетті түрде пайдалануға болатын үлкен әлеует жатыр", - деді Президент.

Президент Қазақстанның қазіргі қуат шығыны ауқымы жағынан жекелеген өңірлер тұтынатын және өндіретін энергия көлеміне тең екенін айтты.

Тоқаев Өнеркәсіп министрлігінің ақпаратын келтірді. Оған сәйкес, желілердегі электр энергиясының шығыны шамамен 10 пайызды құрайды, жылу энергиясының шығыны да 10 пайызға жуық. Мәселен, 2024 жылы электр энергиясының жалпы шығыны 9 миллиардтан аса киловатт сағатты құрады. Бұл бүкіл Атырау облысындағы тұтыну көлемінен артық.
Сондай-ақ Президент Стратегиялық жоспарлау және реформалар агенттігінің ақпаратына сәйкес, еліміз – әлемде энергияны ең көп тұтынатын экономикалардың бірі екенін айтты. Салыстыру үшін, Қазақстанның ІЖӨ-дегі энергия тұтынуы орташа әлемдік көрсеткіштен 2 есе жоғары, ал Экономикалық ынтымақтастық және даму ұйымы елдері көрсеткіштерінен 3,5 есе артық.

"Мойындауымыз керек, саладағы түйткіл көбінесе желілердің тозығы жеткенінде және электр энергиясын тасымалдаудағы ұзақ қашықтыққа ғана байланысты емес. Сонымен бірге энергия тұтынудағы мәдениетіміздің төмендігінде де болып отыр. Бұл бағытта Үкімет, әкімдіктер, ұлттық компаниялар және қоғам белсенділері атқаратын жұмыс көп. Біз халыққа электр энергиясын үнемдеу жөнінде түсіндіру жұмыстарын жүргізуіміз қажет", - деді Мемлекет басшысы.

Президент Алатау қаласы ресурстарды оңтайлы, үнемдеп қолдануда үлгі болуға тиіс екенін қосты.

Бұған дейін Алатау қаласын дамыту жөніндегі кеңесте Президент Алматы облысының инфрақұрылымы үшін шенеуніктерді сынға алған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз