Қазақстанның сирек металдар өндірісі: жаңа жобалар мен мүмкіндіктер

Қазақстанда сирек және сирек жер металдары секторын дамыту жалғасып келеді. 

Үкімет отырысында жаңа жобалар туралы Өнеркәсіп және құрылыс министрі Ерсайын Нағаспаев хабарлады.

Оның айтуынша, салада экономиканы әртараптандыру және жоғары технологиялық өндірістерді құру үшін айтарлықтай әлеует бар. Бүгінде қазақстандық өнім негізінен экспортқа бағытталған және әлемнің жетекші авиациялық және теңіз техникасы, электроника және электромобиль өндірушілері пайдаланады.

Соңғы екі жылда отандық өндіріс желісі жаңа позициялармен толықтырылды. Атап айтқанда, баламалы энергетикада қолданылатын техникалық селен мен жоғары тазалықтағы марганец сульфатының моногидратын шығару басталды.

Ағымдағы жылы галлий өндіру желісін пайдалануға беру жоспарлануда. Мемлекет басшысының өткен жылдың желтоқсан айында Жапонияға сапары аясында ERG және Mitsubishi Corporation арасында осы металды жеткізуге арналған офтейк-келісімшартқа қол қойылды.

Сонымен қатар, жылына 2,4 мың тонна қуаттылығы бар тазартылған сүрме өндірісін іске қосу жоспарланған.

Министр атап өткендей, жаңа жобаларды ескере отырып, Қазақстан тау-кен металлургия кешенінің midstream-сегментіндегі негізгі ойыншылардың бірі ретінде өз позициясын нығайтады, қайта өңдеуді және қосылған құны жоғары өнімдерді шығаруды дамытады.

Бүгін, 11:50