Қазақстанның тағы бір әуежайын жазда бітіруге уәде берілді

Қостанай облысының Арқалық қаласында ұзақ уақыт бойы жұмыс істемей тұрған әуежайды ауқымды қайта жаңарту жұмыстары жалғасып жатыр. Tengri Travel әуе айлағының қашан жолаушыларды қабылдай бастайтынын, авиарейстердің қай бағыттар бойынша орындалатынын және билеттердің қанша тұратынын білді.

Қостанай облысының Арқалық қаласында ұзақ уақыт бойы жұмыс істемей тұрған әуежайды ауқымды қайта жаңарту жұмыстары жалғасып жатыр. Tengri Travel әуе айлағының қашан жолаушыларды қабылдай бастайтынын, авиарейстердің қай бағыттар бойынша орындалатынын және билеттердің қанша тұратынын білді.

Мән-жайы

2020 жылы бұрын жекеменшікке өткен Арқалық әуежайы хабарландырулар сайтында сатылымға шығарылған болатын. 2024 жылғы желтоқсанда Қостанай облысының әкімдігі әуежайды жеке тұлғадан 20,7 миллион теңгеге сатып алып, нысанды мемлекет меншігіне қайтарды.

2025 жылдың наурызында біздің тілшілер салынып жатқан әуежай аумағына барып, оның жай-күйін көрсеткен еді. Ол кезде әуежайда ешқандай инфрақұрылым болмаған, ал аэровокзал кешені толығымен қирап жатқан болатын.

2025 жылдың сәуірінде Көлік министрлігі Арқалықта ауданы 3 200 шаршы метр болатын екі қабатты әуежай ғимаратын салу, аэронавигациялық және метеорологиялық жабдықтар сатып алу, сондай-ақ ұзындығы 2 500 метрлік ұшу-қону жолағын жөндеу жоспарланғанын хабарлады.

Қашан іске қосылады?

Біз 2026 жылғы сәуір соңындағы жағдайдың қалай екенін нақтылауды жөн көрдік.

Өңірлік әкімдік негізгі құрылыс-монтаждау жұмыстарын аяқтау және аэродромды сертификаттау кестеге сәйкес 2026 жылдың шілдесіне жоспарланғанын нақтылады. Сондай-ақ әкімшілік кестеден кешігу жоқ екенін атап өтті.

Арқалық әуежайының келбеті қандай болмақ?

Әкімдіктің мәліметінше, әуежай қажетті жабдықтардың барлығын жұмыс барысына қарай кезең-кезеңімен сатып алып жатыр.

"Бүгінгі таңда жарық-сигналдық жабдықтар толық көлемде сатып алынып, құрылыс алаңына жеткізілді, қазір оны монтаждау жұмыстары жүріп жатыр", - деп хабарлады әкімдік.

Сондай-ақ терминалдағы ішкі әрлеу жұмыстары аяқталғаннан кейін тексеру кешендерін орнату жоспарланған.

"Аэродромға арналған радиотехникалық және метеорологиялық жабдықтарды сатып алу, дайындау, жеткізу және монтаждау "Қазаэронавигация" РМК-ға жүктелген. Оларды орындауға арналған шартты жасасу және кейіннен жобада көзделген мерзімде іске асыру бойынша жұмыстар жүргізіледі", - деді әкімдік өкілдері.

Әуежайда халықаралық стандарттарға сай келетін қауіпсіздік жүйесі қарастырылған.

"Бұған цифрлық бейнебақылау, автоматтандырылған қолжетімділікті бақылау жүйелері және заманауи өртке қарсы қызмет кіреді", - деді әкімдік.

Сонымен қатар терминалда келесі нысандар салынады:

күту залы; медициналық пункт; ана мен бала бөлмесі; қоғамдық тамақтану аймағы. Фото: Көлік министрлігінің баспасөз қызметі Құны

Өңірлік әкімдіктің нақтылауынша, әуежай жобасының құны 20,4 миллиард теңгені құрады, оның тең жартысы игеріліп қойған.

"Жобаны қаржыландыру республикалық бюджет, жергілікті бюджет және Арнайы мемлекеттік қор есебінен жүзеге асырылып жатыр", - деп түсіндірді әкімдіктегілер.

Бағыттар

Әкімдік сонымен қатар қандай ішкі рейстерді іске қосу жоспарланып отырғанын хабарлады. Әзірге екі бағыт туралы сөз болып отыр, екеуі де субсидияланатын рейстер:

Арқалық - Астана - Арқалық; Арқалық - Қостанай - Арқалық.

Елордаға және Қостанайға авиабилеттердің құны 15 пен 20 мың теңге аралығында болады.

Әкімдіктің түсіндіруінше, баға рейстердің әлеуметтік маңызды мәртебесін ескере отырып есептелген - ол оларды күтіп ұстау мен пайдалануға жұмсалатын нақты шығындар негізінде қалыптасады.

Арқалық әуежайынан халықаралық рейстер әзірге жоспарланбаған.

"Әуежай ұшу қашықтығы шектеулі шағын авиация әуе кемелеріне қызмет көрсетуге бағытталған, осыған байланысты рейстерді тек ішкі бағыттар бойынша орындау көзделген", - делінген ақпаратта.

Әуежай жыл бойы жұмыс істеп, сағатына 70 жолаушыға дейін қызмет көрсетеді. Жылына 20 мыңнан 30 мыңға дейін жолаушы болады деп күтіледі.

Еске салайық, бұған дейін Маңғыстау облысы Кендірлі курорттық аймағындағы әуежай 2027 жылы ашылатыны белгілі болған еді.

Google News арқылы жаңалықтарымызды қадағалаңыз

Жазылу