“Қол астындағылардан ақша бопсалаған” ҰҚК Жақсылық Омардың шулы ісінің егжей тегжейін жариялады

ҰҚК ШҚО әкімінің бұрынғы орынбасары Жақсылық Омарға қатысты істің мән-жайын ашты. Ведомство мәліметінше, ол қоластындағылардан жұмыстан шығарамын деп қорқытып, ақша бопсалағанын, деп хабарлайды Tengrinews.kz тілшісі.

ҰҚК ШҚО әкімінің бұрынғы орынбасары Жақсылық Омарға қатысты істің мән-жайын ашты. Ведомство мәліметінше, ол қоластындағылардан жұмыстан шығарамын деп қорқытып, ақша бопсалағанын, деп хабарлайды Tengrinews.kz тілшісі.

"Қоластындағылардан ақша бопсалаған"

Тергеу мәліметтері ҰҚК Сыбайлас жемқорлыққа қарсы іс-қимыл қызметінің деректі фильмінде жарияланды.

Ведомство мәліметінше, 2025 жылдың аяғында жедел уәкілдер Жақсылық Омар өз қарамағындағы қызметкерлер мен ведомстволық бағынысты ұйым басшыларынан жүйелі түрде ақша талап еткені туралы ақпарат алған.

"ҰҚК Шығыс Қазақстан облысы бойынша департаментінің жедел уәкілдері Жақсылық Омар қол астындағылардан және ведомстволық бағынысты ұйымдардан тұрақты түрде ақша бопсалайтыны туралы ақпарат алды.

Ол ақша бопсалаған адамдар анықталды. Омар оларға қызметін өсіруге уәде берген, ал бас тартқан жағдайда жұмыстан шығарамын немесе лауазымын төмендетемін деп қорқытқан", – деді жедел бөлім бастығы.

ҰҚК мәліметінше, 4 ақпанда тергеу барысында жедел уәкілдердің бақылауымен сол кездегі әкім орынбасарына ақшаның бір бөлігі берілген. Кейін оның Өскемендегі үйін тінту кезінде қолма-қол ақша тәркіленді.

"Алғашқы жауап алу кезінде Омар адвокаттың қатысуымен кінәсін мойындады. Тергеу барысында қосымша факті анықталды. Ол СДТБТ-ға енгізіліп, ҚР Қылмыстық кодексінің 190-бабы 3-бөлігі (лауазымды адам жасаған алаяқтық) бойынша іс материалдарына тіркелді", – деді спикер.

Жақсылық Омарға қандай айып тағылды?

3 сәуірде Өскеменнің қылмыстық істер жөніндегі ауданаралық соты Жақсылық Омарды алаяқтық пен пара алу бойынша кінәлі деп танып, орташа қауіпсіздік мекемесінде жазасын өтеумен 6 жыл бас бостандығынан айыруға жазасы кесілді.

ҚАЗІР ТАЛҚЫЛАНЫП ЖАТЫР

“Қазақстан тарихының жаңа дәуірі басталады“: Тоқаев халыққа үндеу жасады

Бүгін 08:02 1

Оның Toyota Camry автокөлігі тәркіленіп, мемлекеттік қызметте жұмыс істеуіне өмір бойына тыйым салынды. ШҚО прокуратурасы Омардың әрекеттері "мемлекеттік қызмет негіздеріне және қоғамның сеніміне нұқсан келтіретінін" атап өтіп, сыбайлас жемқорлық үшін сотталғандар рақымшылықпен немесе шартты түрде мерзімінен бұрын босатылмайтынын атап өтті.

Айыптау екі эпизодқа негізделді:

Көлік алаяқтығы. Тергеу нұсқасы бойынша, Омар Өскемен әкімі болып тұрған кезде танысын кәсіпорын атынан демеушілік көмек ретінде көлік рәсімдеуге көндірген. Алынған Toyota Camry 75 кейін үшінші тұлғаларға қайта рәсімделіп, шенеуніктің жеке пайдалануы үшін trade-in бағдарламасы бойынша жаңа модельге айырбасталған. Шығын көлемі 13 миллион теңге болды. 20 миллион пара. Іс материалдарына сәйкес, Омар қалалық әкімдік қызметкерінен "жалпы қамқорлығы" үшін 20 миллион теңге әкелуді сұраған. Ол ҰҚК-ге жүгінген. Арнайы қызметтің бақылауымен күдіктіге транштың бірінші бөлігі – 6 миллион теңге қолма-қол берілген.

Жақсылық Омардың өзі сотта кінәсін толық мойындады, бірақ соңғы сөзінде соттан мейірімділік танытып, түрме жазасын айыппұлмен ауыстыруды сұрады.

"Менде бәрін ой елегінен өткізуге уақыт жеткілікті болды. Ештеңені кері қайтара алмайтыныңды сезіну одан да ауыр. Мен мемлекетке масыл болғым келмейді, өз үлесімді қосқым келеді. Қарызға батсам да, айыппұлды төлеймін. Түсіністік танытады деп үміттенемін", – деді ол.

20 мамырда Омар сот шешімін апелляциялық тәртіппен даулауға тырысты, бірақ оның шағымы қанағаттандырылмады. Үкім өзгеріссіз қалды.

Еске салсақ, ШҚО әкімінің орынбасары ұсталғаны туралы ақпарат 2026 жылғы 13 ақпанда пайда болған еді. Ол кезде ресми органдар шенеунік "денсаулық жағдайына байланысты уақытша демалыста" екенін хабарлаған болатын.

Жақсылық Омар туралы не белгілі?

Жақсылық Омар 1980 жылы 28 қыркүйекте Алматы облысы Алакөл ауданы Үшарал ауылында дүниеге келген.

2001 жылы Абай атындағы Алматы мемлекеттік университетін "география" мамандығы бойынша, 2010 жылы Қазақ гуманитарлық-заң инновациялық университетін "жергілікті және мемлекеттік басқару" мамандығы бойынша бітірген. 2018 жылы Д. Серікбаев атындағы Шығыс Қазақстан мемлекеттік техникалық университетінде экономика ғылымдарының магистрі дәрежесін алды.

Еңбек жолы 2001–2005 жылдары Омар Мәдениет және ақпарат министрлігінде жетекші және бас маман болып жұмыс істеді. 2005–2007 жылдары – Қаржы министрлігінің маманы. 2007–2009 жылдары – "Қазақстан" телерадиокорпорациясы ақпараттық-сараптамалық бағдарламалар дирекциясы директорының орынбасары, кейін — "Арна медиа" холдингінің бас менеджері. 2009–2010 жылдары Шығыс Қазақстан облысы әкімінің көмекшісі болып жұмыс істеді. 2010–2011 жылдары ШҚО Ішкі саясат басқармасын басқарды. 2011–2013 жылдары ШҚО Мәдениет басқармасының басшысы болды. 2013–2016 жылдары Шығыс Қазақстан облысы әкімінің орынбасары қызметін атқарды. 2016 жылдан 2018 жылға дейін Алматы облысы әкімінің орынбасары болды. 2018 жылдан 2024 жылға дейін Жақсылық Омар Өскемен қаласының әкімі лауазымын атқарды. 2024 жылдан 2025 жылғы 4 сәуірге дейін ШҚО әкімінің кеңесшісі болып жұмыс істеді. 2025 жылғы 7 сәуірден бастап Шығыс Қазақстан облысы әкімінің бірінші орынбасары қызметін атқарды.