Құлсарыда қызды өлтірген қылмыскер Қара бүркітке жеткізілді

Жеті жасар қызды зорлағаны және өлтіргені үшін өмір бойына бас бостандығынан айыруға сотталған 35 жастағы Құлсары тұрғыны сот шешіміне шағымданбады.

Сот үкімі заңды күшіне енгеннен кейін сотталған азамат төтенше қауіпсіздік режиміндегі түзеу мекемесіне жеткізілді.

Қайғылы оқиға 2025 жылдың 5 маусымында Атырау облысы Құлсары қаласында болды. Қыз достарымен ойнауға далаға шығып, үйге бара жатқанда адасып кеткен. Кейін ол қылмыстың құрбаны болды. Баланың сүйегі сол күні судан табылды. Күдікті тез қолға түсті.

Істі Атырау облысының қылмыстық істер жөніндегі ауданаралық соты қарады. Судья Зарема Хамидуллина сотталушыны кәмелетке толмаған қызды зорлап және өлтіргені үшін кінәлі деп таныды. Оған төтенше қауіпсіздік режиміндегі түзеу мекемесінде өмір бойына бас бостандығынан айыру жазасы тағайындалды. Сондай-ақ сот қайтыс болған баланың отбасына келтірілген моральдық зиянды өтеу үшін 20 миллион теңге өндіру туралы қаулы шығарды.

Сотта істі қарау барысында кінәсін толық мойындамағанына қарамастан, сотталған адам апелляциялық шағым түсіруден бас тартты.

Сот үкімі заңды күшіне енгеннен кейін сотталған адам "Қара бүркіт" ретінде танымал ҚК 161/3 мекемесіне жеткізілді. Бұл - Қазақстандағы өмір бойына бас бостандығынан айыру жазасына кесілген сотталғандарға арналған төтенше қауіпсіздік режиміндегі жалғыз түзеу колониясы. Ол Қарағанды облысында, Долинка кентінде орналасқан.

Бұл мекемеде аса қауіпті қылмыскерлер қамауда болады. Режим бойынша жеке отырады, қатаң бақылауда болады және шартты түрде мерзімінен бұрын босап шығу мүмкіндігі болмайды. 

Айгүл МАНСУРОВА

Бүгін, 11:03