Құрылтайда жаңа депутат пайда болды

Қазақстанның Орталық сайлау комиссиясы Гүлнар Тойлыбаеваны Құрылтай депутаты ретінде тіркеді. Ол өкілеттігін мерзімінен бұрын тоқтатқан Татьяна Савельеваның орнына келді, деп хабарлайды Tengrinews.kz ОСК сайтына сілтеме жасап.

20 қазанда Орталық сайлау комиссиясының төрағасы Нұрлан Әбдіров жаңа депутатқа куәлік пен омырауға тағатын белгі табыстады.

Ресми мәліметтерге сәйкес, бұған дейін "Әділет" партиясы бос депутаттық мандатты партиялық тізімге енгізілген Гүлнар Тойлыбаеваға беру туралы шешім жолдаған.

Нұрлан Әбдіров заңнамаға сәйкес Құрылтай депутатының өкілеттігі Орталық сайлау комиссиясы тарапынан тіркелген сәттен басталатынын еске салды.

Гүлнар Тойлыбаева бұған дейін облыстық мәслихаттың хатшысы және төрағасы лауазымдарын атқарған. Депутаттық мандат алғанға дейін Жетісу облысы әкімінің кеңесшісі болып жұмыс істеді.

Еске сала кетейік, бұған дейін "Әділет" партиясы бос мандатқа Гүлнар Тойлыбаеваның кандидатурасын ұсынған болатын.

Құрылтайдағы орын өкілеттігі мерзімінен бұрын тоқтатылған Татьяна Савельевадан кейін босаған еді, ол Қазақстан қорғаныс министрінің орынбасары болып тағайындалды.

Бізді Google-дың негізгі дереккөздер тізіміне қосыңыз