Қырғызстан ЖІӨ ні 2030 жылға қарай 30 млрд долларға жеткізуді көздеп отыр

Бұл туралы Министрлер кабинетінің төрағасы Адылбек Касымалиев «Мир» мемлекетаралық телерадиокомпаниясына берген сұхбатында мәлімдеді.

Оның айтуынша, елде 2030 жылға дейінгі даму стратегиясы қабылданған. Негізгі мақсаттардың бірі — жалпы ішкі өнім көлемін кемінде 30 млрд долларға жеткізу. Қазіргі таңда бұл көрсеткіш шамамен 22,6 млрд доллар.

Адылбек Касымалиев нақты өсім жоспардан да жоғары болуы мүмкін екенін атап өтті.

Экономиканың негізгі қозғаушы күштері ретінде:

өнеркәсіп
құрылыс
ауыл шаруашылығы
қызмет көрсету саласы белгіленген

Аграрлық секторда өсім 2–4% деңгейінде болады деп күтілуде.

Сонымен қатар, өнеркәсіпті дамытуға ерекше назар аударылады. Елде кемінде 100 жаңа кәсіпорын ашу жоспарланған. Жобаларды тиімді басқару үшін әрбір нысанға жауапты министр бекітіледі. Мұндай тәсіл бұған дейін Өзбекстан тәжірибесінде қолданылған. 

Айта кетелік Қырғызстанда медицина қызметкерлерінің жалақысы 100%-ға өсетіні туралы жазған едік.