Қытай сыбайлас жемқорлыққа қарсы жаһандық науқанды қайта бастады

Жұмысты Сыбайлас жемқорлыққа қарсы Орталық үйлестіру тобы жанындағы қашқындарды іздеу басқармасы үйлестіріп отыр. Бейжің басқа елдермен сот ынтымақтастығын кеңейтуді және шекарааралық сыбайлас жемқорлыққа қарсы күрес туралы заңның қабылдануын жеделдетуді жоспарлап отыр. 

Операция аясында ведомстволар ұрланған активтерді тәркілеуге және экономикалық қылмыскерлерді шетелде іздеуге баса назар аударады. Билік офшорлар мен көлеңкелі банктер арқылы капиталды шығару арналарын жабуды, сондай-ақ отбасылары шетелде тұрақты тұрып жүрген шенеуніктерге бақылауды күшейтуді көздейді.
Кеңсе сондай-ақ Интерполдың «қызыл циркулярындағы» 100 жемқор-қашқынының қытайлық тізіміне енгізілген адамдарды қылмыстық жауапкершілікке тартуда күш-жігерін күшейтеді.

2025 жылға қарай Қытай Азияда жасырынып жүрген тізімдегі барлық адамдардың өзіне тапсырылуын қамтамасыз етті. Өткен жылы елге барлығы 963 қашқын сыбайлас жемқор шенеунік қайтарылды. Қытай бұл операцияны алғаш рет 2015 жылы бастаған.

Осыған дейін Қытайда энергетикалық компанияның бұрынғы басшысы өлім жазасына кесілгенін жаздық.