Ресей азаматтарына ЕО ға жарамды көп реттік виза берілмейді

Еуропалық комиссия Ресей азаматтарына жаңа көп мәртелі визаларды беруге тыйым салғанын хабарлады, деп жазады Bloomberg басылымына сілтеме жасап Egemen.kz.

Енді Ресей азаматтары Еуропаға әр сапар алдында виза рәсімдеуі керек болады. Яғни бұрынғыдай ұзақ мерзімге арналған көп рет кіріп-шығуға мүмкіндік беретін визалар берілмейді.

Дегенмен қолданыстағы көп мәртелі Шенген визалар әзірге күшінде қалады.

Сонымен қатар, ЕО елдері Ресей азаматтарының отбасыларына, яғни Еуроодақ аумағында тұратын ресейліктердің туыстарына және жүк көлігінің жүргізушілеріне көп мәртелі визалар беруді жалғастыра алады.