Ғалымдар Солтүстік Каспийдің апатты түрде тартылып жатққанын мәлімдеді

Каспий теңізінің таяз келген солтүстік бөлігі XXI ғасырда-ақ толығымен жойылып кетуі мүмкін. Ауқымы мен экологиялық-құрылымдық салдары жағынан бұл трагедия Арал теңізінің апатынан төрт есе асып түседі, деп хабарлайды Выход к правде.

Осындай дабыл қағарлық ескертумен Астанада өткен ғылыми конференцияда Испанияның Ғылыми зерттеулер жоғары кеңесі жанындағы Перспективалық зерттеулер орталығының испаниялық зерттеушісі, PhD докторы Рафаэль Марсе сөз сөйледі.

Сарапшының айтуынша, Ақтау ауданында және Каспийдің солтүстік-батыс жағалауында су тартылып, 40 шақырымға жуық құрғақ жер ашылып қалған.

Каспийдің солуы несімен қауіпті:

Аралдан төрт есе үлкен: Шұғыл шаралар қабылданбаса, Қазақстан теңіздің бүкіл солтүстік акваториясынан айырылып қалу қаупі бар, бұл орасан зор экологиялық және экономикалық шығындарға әкеп соқтырады.

CO₂ ауқымды көлемі бөлінуі: Судың жоғалуы қауіпті химиялық процесті іске қосады. Ғасырлар бойы түпкі шөгінділерде жиналған органика мен көміртек оттекпен жанасқанда белсенді түрде ыдырай бастайды.

Жылыжай әсері: Түбі кепкен соң атмосфераға қайта тарайтын және климаттық жағдайды нашарлататын көлемді көмірқышқыл газ көзіне айналады.

Рафаэль Марсе қазақстандық ғалымдармен бірлескен зерттеулер шеңберінде мұндай процестер Арал теңізінің ашылған түбінде де тіркелгенін атап өтті, ондағы өлшеулер жиналған органикалық көміртектің атмосфераға тұрақты түрде бөлініп жатқанын растаған. Ғалымдар халықаралық қоғамдастықты және өңір билігін Каспий төңірегіндегі жағдайға дереу араласуға шақырады.

Бүгін, 15:43