Ресей Украинадағы тұтқындарға екі мың сәлемдеме жіберді

АСТАНА, 17 қаңтар – Sputnik. Ресей Украинаға ресейлік тұтқындар үшін 2 мың сәлемдеме жіберді. Бұл туралы Ресейдің адам құқықтары жөніндегі уәкіл Татьяна Москалькова айтты, деп хабарлайды РИА Новости.

"Біздің (ХҚАК-мен – ред.) әңгімеміздің тағы бір тақырыбы — әскери тұтқындарымызға сәлемдемелерді жеткізу үдерісін қамтамасыз ету және осыған ұқсас түрде қазіргі таңда Ресей аумағында жүрген Украина әскери қызметшілеріне де жеткізу. Бүгінгі күнге дейін оларды тапсыру аяқталды", — деді ол Женевада журналистерге.

2025 жылы желтоқсанда омбудсмен Украина Жоғарғы Радасының омбудсмені Дмитрий Лубинецпен ресейлік және украиналық тұтқындарға өзара 2 мыңнан сәлемдеме беру туралы келісімге келгенін мәлімдеді.

2025 жылы желтоқсанның соңында Москалькова Ресей мен Украинаның өзара негізде тұтқындарға арналған хаттарды бір-біріне тапсырғанын, олардың Жаңа жылға дейін жеткізілетінін хабарлаған еді.