Венесуэлада саяси тұтқындарға амнистия заңы қабылданды

Басылымның мәліметінше, үкімет оны ұлттық бірлікке қол жеткізудің қадамы ретінде көрсетіп отыр, ал адам құқықтарын қорғаушылар мен оппозиция бұл шараны жеткіліксіз деп санайды, себебі заңда кейбір ерекшеліктер мен ашықтықт жетіспейді.

Заң жүздеген саяси тұтқынды босатуға және 1999 жылдан бері болған саяси қақтығыстарға байланысты сот процестерін жабуға мүмкіндік береді.

Дегенмен, заңда бірнеше ерекшелік қарастырылған: адам өлтіру, есірткі саудасы, адам құқықтарына қатысты ауыр құқықбұзушылыққа, жемқорлық немесе шетелдік қолдаумен қарулы әрекеттерге қатысты істер амнистияға кірмейді.

— Адам құқықтарын қорғаушылар мен оппозиция заң көптеген саяси тұтқынды қамтымай қалуы мүмкін екенін ескертеді, саяси құқықтар мен тәркіленген мүліктің автоматты түрде қалпына келтірілетініне кепілдік берілмейді деп атап өтті. Кейбір үкіметтік емес ұйымдар амнистия қолдану критерийлерінің ашықтығын арттыруды талап етеді және бұл процесті барлық саяси тұтқынға қолдануды ұсынады, — делінген хабарламада.

Венесуэла соңғы рет 2007 жылы амнистия жариялаған, сол кезде Уго Чавес 2002 жылғы төңкеріс қатысушыларына рақымшылық жасаған. 2020 жылы Мадуро заң шығару органдарының сайлауларынан бұрын 110 рақымға алу туралы жарлық шығарған, бірақ оппозиция оны бойкоттаған.

9 қаңтарда Венесуэла Ұлттық ассамблеясының спикері Хорхе Родригес шетелдік және венесуэлалық тұтқындардың көп бөлігін тез арада босату туралы мәлімдег жасады.

Сөйтіп Венесуэла билігі 2025 жылғы желтоқсан айынан бері түрмелерден 897 адамды, оның ішінде саяси тұтқындарды да босатты.