​​Ресейлік блогер Азамат Айталиев Астанада соққыға жығылғанын мәлімдеді

Атышулы ресейлік блогер Азамат Айталиев Астананың орталығында төбелеске қатысқанын хабарлады. Оның айтуынша, оқиға «Бәйтерек» монументінің жанында белгісіз ер адаммен сөзге келіспей қалғаннан кейін орын алған.

Болған жағдай туралы Айталиев өзі жариялаған бейнежазбада айтып берді. Блогердің мәлімдеуінше, өзара сөз салғаласқаннан кейін оның қарсыласы аяқ астынан жұдырық ала жүгірген. Кадрлардан Айталиевтің полиция қызметкеріне оқиғаның мән-жайын түсіндіріп жатқанын көруге болады.

Кейін блогер оқырмандарына арнап үндеу жазып, өзіне шабуыл жасаған ер адамды «бейәдепті» (неадекват) деп атады. Жанжалдан кейін Айталиев ауруханадан видео көрсетіп, саусағын рентгенге түсіру керек екенін айтты. Сонымен қатар, ол ерін тұсына соққы тигеніне шағымданды.

Ақпарат жарияланған сәтте шабуыл жасаған күдіктінің ұсталғаны туралы мәлімет берілген жоқ.

Посмотреть эту публикацию в Instagram

Публикация от AITALIEV AZAMAT (@aitaliev_azamat)

Бүгін, 17:30