Ресейліктер ФСБ ға бір бірінің үстіне жаппай арыз түсіруде

2025 жылы Ресей ФҚҚ-ның «сенім телефондарына» 146 мыңнан астам өтініш түскен, тексеру қорытындысы бойынша қылмыстық істер қозғалды, деп хабарлайды Arasha.kz.

Бұл туралы ФҚҚ-ның Қоғамдық байланыс орталығының есебінде айтылған. Орталық желіге 68 785 қоңырау түссе, соның 455-і жедел маңызға ие болған. Ауймақтық бөлімшелер тағы 77 772 өтініш қабылдаған. Олардың 15 233-і арнайы қызметтің жұмысы үшін маңызды болып шыққаны хабарланды. Қалған хабарламалар анықтамалық немесе ақпараттық сипатта болған.

Тексеру нәтижесінде терроризм, диверсия және диверсиялық қызметке жәрдемдесу баптары бойынша 18 адам қылмыстық жауапкершілікке тартылды. Оларға украиндық террористік ұйымдардың тапсырмасымен көлік және байланыс нысандарын өртеді деген айып тағылып отыр.

Бұдан бөлек, терроризм актісі туралы көрінеу жалған хабарлама беру бабы бойынша 20 қылмыстық іс қозғалған. Үш азамат террористік сипаттағы сенімсіз ақпарат таратқаны үшін сотталды, төртеуі әкімшілік жауапкершілікке тартылды. Сондай-ақ интернетте билік органдарының өкілдерін өлтіруге шақырған Ресей азаматы ұсталды.

ФҚҚ мәліметтеріне сәйкес, азаматтардың қоңырауларының арқасында 6 193 адамға қатысты алаяқтық әрекеттердің алдын алу мүмкін болған. Қаскөйлер өздерін қауіпсіздік органдарының қызметкері ретінде таныстырып, ауыстырылған нөмірлерді пайдаланған және ақша бопсалаған.