Росатом Өзбекстанда АЭС құрылысын қашан бастайды

Аяқталуы 2026 жылдың сәуір айына жоспарланған реактор ғимаратының бетон іргетасын қалау жұмыстары кезінде шамамен 900 текше метр қоспа құйылады. Осы кезеңнен кейін реактор ғимаратының іргетасы тегістеледі, су өткізбеу және жерге қосу мүмкіндіктері қамтамасыз етіледі.

Ресейлік «Росатом» мемлекеттік корпорациясының басшысы Алексей Лихачевтің хабарлауынша, Өзбекстандағы атом электр станциясының құрылысы 2026 жылдың жазында іргетас құйылғаннан кейін басталады.

Еске сала кетсек, Ресей Өзбекстанда аз қуатты АЭС салмақ екенін жаздық.

Бұл Ресей президенті Владимир Путиннің Өзбекстанға жасаған мемлекеттік сапары аясында болды.

Бетондау жұмыстары басталмас бұрын РИТM-200Н екі реакторлық қондырғысы бар екі энергоблокты пайдалануға рұқсат алынды.

- Бұл маңызды шешім бізге таңдалған орынды ресми түрде бекітуге және бекітілген біріктірілген АЭС конфигурациясы шеңберінде шағын атом электр станциясының толық көлемді құрылысын бастауға мүмкіндік береді. Рұқсат ұлттық ережелер мен халықаралық қауіпсіздік стандарттарына сәйкес берілді, - деп хабарлады «Росатом» баспасөз қызметі.

Осыған дейін Өзбекстанда бой көтеретін АЭС алаңында бетон құю жұмыстары басталғанын жаздық.