Семейде агросалаға маман қажет

2025 жылы ауыл шаруашылығын дамытуға 1 трлн теңге бөлініп, оның 250 млрд-ы техника паркін жаңартуға бағытталды. Бұл қолдаудан Абай облысы да тыс қалған жоқ.

Өңірде бұрын танымал болған ет комбинаты қайта жаңғыртылып жатыр. Семейде салаға қатысты жиын өтіп, өзекті мәселелер талқыланды. Мәжіліс депутаты Жигули Дайрабаев кадр даярлау мәселесіне назар аударды. Ал университет пен колледж өкілдері студенттердің өндірістік тәжірибесін күшейту, шәкіртақыны арттыру және оқу орындарын жер телімдері және арнайы техникамен қамтамасыз ету жөнінде ұсыныс айтты. Депутат бұл бастамалар назарға алынатынына, кадр тапшылығын жою мемлекеттік маңыздағы міндет екенін атап өтті.

Жигули Дайрабаев, ҚР Парламенті Мәжілісінің депутаты:

- Мал дәрігері, агрономдар, инженер жетіспейді. Міне, осы мамандардың барлығын жастармен сөйлесіп, ауылға шақырдым. Көп жағдайда облыс орталықтарында, қалаларда білім алады. Ауылға бармай қалып қояды. Сондықтан қазір мына жерде де біраз мәселе көтерілді. Ауыл шаруалығы мамандықтарын алған азаматтарға да медиктер ұқсап, мұғалімдер ұқсап жәрдемақы көмек жасалса деп бұл мәселені де қолға алу керек.