Сендер қобызды оқымаңдар, оның келешегі жоқ : профессор аспаптың оқу бағдарламасына қалай енгенін айтты

1968 жылы қобыз мамандығы консерваторияның оқу бағдарламасына енгенде алғашқы білім алушылар көптеген қиындықтан өткен. Бұл жайлы консерваторияның қобыз мамандығы бойынша алғашқы түлек, профессор Базархан Қосбасаров "Шежірелі құлақ күй" жобасында айтты.

"Оқу оқып жүргенде ұстазымыз Жаппас Қаламбаев ауырып қалды. Сабақ өтпей жүрді. Сол кезде басқа ұстаздар келіп "сендер қобызды оқымаңдар, ол аспаптың келешегі жоқ, бақсылар ғана ойнайды" деп айтып кететін. Біз ол кезде жаспыз, ақылдаса келе ректорымыз Еркеғали Рахмадиевке бардық. Ректор бізді қабылдап, еш алаңдаңдамау керектігін айтты. Кейін ұстазымыз ретінде Дәулет Мықтыбаевты алдыртып, сабақтарымыз жалғасты" - деді Базархан Қосбасаров