Шаған өзені арқылы өтетін жаңа көпір Орал тұрғындарының өмірін жеңілдетеді

Орал қаласында Шаған өзені арқылы өтетін жаңа көпірдің құрылысына дайындық басталды. Батыс Қазақстан облысы әкімдігінің, Қазақстан жол ғылыми зерттеу институты өкілдерінің және мердігер «Казахдорстрой» ЖШС қатысуымен капсула салу рәсімі өтті.

Ұзындығы 220 метр болатын көпір қала аудандарын байланыстырып, Ақжайық тұрғын алабына апаратын шамамен 4 шақырымдық төрт жолақты жолдың бір бөлігіне айналады. Қазіргі таңда тұрғындар өзенді айналып, ескі бағытпен жүруге мәжбүр. Бұл жолға кететін уақытты ұлғайтып, негізгі көшелерде кептеліс тудырады. Жаңа көпір қала орталығына, соның ішінде саябақ пен қаланың тарихи жағына тез жетуге мүмкіндік береді.

Жоба EPC келісімшарты бойынша жүзеге асып жатыр. Бұл формат бойынша бір компания жобалаудан бастап құрылысқа дейінгі толық цикл үшін жауапты. Бұл тәсіл мерзімнен кешігу қаупін азайтады, жоба құнын бекітеді және сапаны бақылауды жеңілдетеді. Төлемдер тек орындалған және қабылданған жұмыстар үшін жасалады.

Көпір заманауи жүктеме мен қауіпсіздік талаптарын ескере отырып жобаланады. Су тасқыны болған жағдайда резервтік өткел ретінде де пайдаланыла алады. Жоба құны инженерлік жағдайларды, трассаны, инженерлік желілерді көшіру және тарту құнын, материалдар мен жұмыстар бағасының өзгеруін ескереді, келісімшарттың бағасы өспейді.

Жоба аясында қоршаған ортаға тигізетін әсерді бағалау және табиғатты қорғау шаралары қарастырылған.

Дайындық жұмыстары жазда басталады, жобалау күзде аяқталмақ, құрылыс жұмыстары 2027 жылдарға жоспарланған.

«Бұл көпір қаланың негізгі көлік жолына айналып, Ақжайықтан қала орталығына жетуге мүмкіндік береді», – деді жоба жетекшісі Андрей Негрий.

Компания туралы анықтама

«Казахдорстрой» ЖШС BI Engineering & Construction компаниясының құрамына кіреді, ол өнеркәсіптік және азаматтық құрылысқа, сондай-ақ әлеуметтік инфрақұрылым нысандарын, соның ішінде халықаралық компаниялар үшін салуға маманданған. Компанияның ірі жобалары қатарында Ертіс өзені арқылы өтетін көпір өткелі, Қостанай қаласы әуежайының ұшу-қону жолағын реконструкциялау, «Батыс Еуропа – Батыс Қытай» халықаралық көлік дәлізін салу және басқа да нысандар бар.

Бүгін, 17:28