Түркістанда Сырдария өзені арқылы өтетін бірегей теміржол көпірі салынып жатыр

АСТАНА, 19 мамыр – Sputnik. Түркістан облысында Сырдария өзені арқылы өтетін бірегей теміржол көпірі салынып жатыр, деп хабарлады "Қазақстан темір жолы".

Дарбаза – Мақтаарал теміржол желісінің құрылысы аясында жобаның ең ірі инженерлік нысандарының бірі – ұзындығы 500 метрден асатын Сырдария өзені арқылы өтетін металдық теміржол көпірі салынып жатыр.

Алты аралықты көпір – күшейтілген құрылысты күрделі инженерлік құрылым.

"Екі жағалау аралығының ұзындығы 66 метр, ал төрт аралықтың ұзындығы – 88 метр. Жағалаудағы тіректердегі іргетастың бұрғылау қадаларының тереңдігі 38 метрге жетеді, өзен арнасында – 41 метрге дейін. Бұл объектінің жоғары төзімділігі мен сенімділігін қамтамасыз етеді", - деп жазылған хабарламада.

Бүгінгі күні бес аралықты монтаждау аяқталды, соңғы 88 метрлік аралық құрылысты орнату жалғасып жатыр.

Жаңа көпір Қазақстанды Өзбекстанмен байланыстыратын 152 шақырымдық темір жолы желісінің маңызды бөлігіне айналады.