Шенеунік Еуроодақты Старобельсктегі Украинаның шабуылын айыптауға шақырды

АСТАНА, 28 мамыр – Sputnik. Фин саясаткері, "Бостандық Альянсы" партиясының мүшесі Армандо Мема Еуроодақты Украина Қарулы Күштерінің Старобельсктегі жатақханаға жасаған шабуылын айыптауға шақырды, деп хабарлады РИА Новости.

"Еуроодақ көшбасшыларынан бірде-бір айыптау сөзі естілмеді. Халықаралық құқық тек Батыс одақтастарына ғана қатысты ма, әлде барлық елге қатысты ма? Еуроодақ Украинаның Луганскідегі әрекеттерінің құқыққа қайшы екенін мойындауы керек еді. Бірақ қазір Еуроодақ Ресеймен қарым-қатынасты ушықтырғысы келетін сияқты", - деп жазды саясаткер X әлеуметтік желісінде.

Саясаткер Еуроодақтың трагедияға деген көзқарасын "элитаның жауапсыз әрекеті" деп атады.

Еске салайық, Луганск педагогикалық университеті колледжінің оқу ғимараты мен жатақханасына Киев режимі соққы берді. Соққы жасалған кезде онда 14 пен 18 жас аралығындағы 86 бала болған.

Бастапқыда төрт адамның қаза болғаны туралы хабарланды. Ресей денсаулық сақтау министрлігінің мәліметінше, жарақат алған сегіз адам ауруханада жатыр, үшеуінің жағдайы ауыр. Жарақат алған жиырма тоғыз адамға амбулаториялық көмек көрсетілді.

Кейінірек белгілі болғандай, жалпы 63 адам зардап шекті, оның 21-і қаза болды. Іздестіру жұмыстары аяқталып, үйінді астынан барлық мәйіт шығарылды. Қала басшысы 24, 25 мамырды аза тұту күні деп жариялады.