​Шымкенттен Маңғыстауға дейін: Қазақстанда ірі есірткі зертханалары жойылды

Қазақстанның Бас прокуроры Берік Асылов есірткі бизнесіне қарсы күрестің ауқымды нәтижесі туралы хабарлады.

Оның айтуынша, қылмыстық схемаға 300-ден астам адам қатысқан. Тек екі айыпталушының транзакциялары бойынша айналым 7 миллион АҚШ долларынан асқаны белгілі болды.

Шымкенттегі халықаралық желінің жолы кесілді

Шымкентте Telegram мессенджері арқылы жұмыс істейтін халықаралық есірткі желісінің жолы кесілді. Тергеп-тексеру басқа құқық қорғау және арнайы органдармен бірлесіп жүргізілді. Прокуратураның бастамасымен қазақстандық жедел- тергеу тобына халықаралық деңгейде осы жұмыста тәжірибесі бар АҚШ-тың есірткі бизнесіне қарсы күрес ведомствосының (DEA) қызметкерлері енгізілген.

Нәтижесінде: 

24 адам ұсталды, олардың арасында Ресей, Өзбекстан және Ауғанстан азаматтары бар,500 миллион теңгеден астам мүлік тәркіленді,екі есірткі зертханасы табылып, олар жойылды.

Олардан:
– 6,1 кг дайын мефедрон;
– 330 грамм сатуға арналған оралған есірткі;
– 2,1 тонна прекурсор;
– есірткі өндіруді қамтамасыз етіп отырған зертханалық жабдықтар жиынтығы тәркіленді.

Қылмыстық желі «Карбон», «DDD_Shym» және басқа Telegram арналарын пайдаланған, олар арқылы есірткі таратылып қана қоймай, сонымен қатар «алғашқы қолданушыларға» оларды өндіру әдістерін үйреткен. 

Осындай тәсілдер еліміздің басқа өңірлерінде тергеп-тексеруде қолданылды.

Ұлытау облысында «Kaef Mafia» Telegram арнасы арқылы есірткі сатқан дүкеннің жұмысы тоқтатылды:

6 айыпталушы қамауға алынды, цифрлық активтерді, криптовалюта әмияндарын және басқа да құндылықтарды қосқанда 3,2 миллиардтан астам теңге мемлекет кірісіне айналдырылды.

Маңғыстау облысында «Dune-Operator 24/7» есірткі дүкенінің әрекеттерінің жолы кесілді.

Есірткі сатудан түскен қолма-қол ақшаны банкке тапсыру кезінде арнайы прокурор облыстың ЭТД және ПД қызметкерлерімен бірлесіп, Шымкентке барған кезде 1 миллиард 155 миллион теңге және 176 мың АҚШ долларын тәркілеген.

Сонымен қатар сот бір жеке кәсіпкердің банктік шотына есірткі бизнесінен түскен 1 миллиард теңгеге және 734 228 АҚШ доллары (USDT) бар криптоәмиянға тыйым салды.

Есірткі бизнесіне қарсы күрестегі бұл операциялар Қазақстанның құқық қорғау және арнаулы органдары қызметкерлерінің жарқын, жүйелі және жанкешті жұмысының үлгісі болып табылады.

Мыңдаған адамдар, сондай-ақ олардың отбасылары осы заманның кесапатының зиянды ықпалынан қорғалуда. Қазақстанның құқық қорғау және арнаулы органдары азаматтардың құқықтарын қорғау және тыныштығын қамтамасыз ету жұмыстарын жалғастыруда.

Бүгін, 14:47