СІМ қазақстандықтарды сақ болуға шақырды

Оңтүстік-Шығыс Азияда адам саудасы мен еңбек құлдығы тақырыбы қайта назарға ілікті. Қылмыстық схемалар Мьянма, Таиланд, Лаос және Камбоджа елдерінде белсенді тарап, қаскөйлер ТМД елдерінің азаматтарын арбауына түсіреді. Олар көбіне "жоғары жалақы табатын жұмыстар" ұсынады - деп хабарлайды Tengritravel.kz тілшісі.

Оңтүстік-Шығыс Азияда адам саудасы мен еңбек құлдығы тақырыбы қайта назарға ілікті. Қылмыстық схемалар Мьянма, Таиланд, Лаос және Камбоджа елдерінде белсенді тарап, қаскөйлер ТМД елдерінің азаматтарын арбауына түсіреді. Олар көбіне "жоғары жалақы табатын жұмыстар" ұсынады - деп хабарлайды Tengritravel.kz тілшісі.

Қазақстан Республикасы Сыртқы істер министрлігі мәліметінше, екі қазақстандық 2025 жылғы наурыздың аяғында арбауға ілініп, Таиланд арқылы Мьянма аумағына жеткізілген.

Кейін Таиландтағы Қазақстан елшілігімен байланыс орнатылып, оларды елге қайтару бойынша жұмыстар жүргізілген.

"Биылғы сәуірде олар Қазақстанға сәтті қайтарылды. Оңтүстік-Шығыс Азияның кейбір елдерінде қылмыс деңгейі мен адам саудасы қаупі жоғары болғандықтан, Қазақстан азаматтарына шетелге шығар алдында еңбек шарттарын және жұмыс берушілерді мұқият тексеруге, сондай-ақ шешім қабылдарда ойланып әрекет етуге шақырамыз", - деп хабарлады СІМ редакция сауалына берген жауабында.

Қазақстанның Ішкі істер министрлігі де екі азаматтың 22 сәуірде елге оралғанын растады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!