Солтүстік Қазақстанда тозығы жеткен желілер жаңарып, коммуналдық қызмет сапасы артады

«Энергетикалық және коммуналдық секторларды жаңғырту» ұлттық жобасы аясында Солтүстік Қазақстан облысында 3 ірі табиғи монополия субъектісі халыққа көрсетілетін коммуналдық қызметтердің сапасын арттырады, – деп хабарлайды Aikyn.kz сайты.

«Солтүстік Қазақстан электр желілерін таратушы компаниясы», «Петропавл жылу желілері» және «Қызылжар Су» кәсіпорындары 2026-2027 жылдары жалпы сомасы шамамен 51,3 млрд теңге болатын 24 жобадан тұратын пулді іске асыруды жоспарлап отыр.

2026 жылдың басындағы жағдай бойынша «Солтүстік Қазақстан электржелілік тарату компаниясын» АҚ-та жалпы тозу 80,87%-ды, «Петропавл жылу желілері» ЖШС – 81,70%-ды, сумен жабдықтау саласында «Қызылжар Су» ЖШС – 56,7%-ды, су бұруда – 60,8%-ды құрады. 

Жобаларды іске асыру инфрақұрылым желілеріндегі технологиялық бұзушылықтардың апаттылығы мен санын айтарлықтай азайтуға, сондай-ақ тұтынушыларға коммуналдық қызметтерді тұрақты және сапалы ұсынуды қамтамасыз етуге мүмкіндік береді.

«Сонымен қатар  инфрақұрылымды жаңғырту желілердің тозу деңгейін кезең-кезеңімен төмендетуге, тиімділікті арттыруға және тұтынушылардың мүддесі үшін инфрақұрылым жүйесінің ұзақмерзімді әрі тұрақты жұмыс істеуіне жағдай жасауға жол ашады», – деп хабарлады Табиғи монополияларды реттеу комитетінің Солтүстік Қазақстан облысы бойынша департаменті.

11 жобаны іске асыру нәтижесінде Солтүстік Қазақстан облысы ӨЭК шаруашылық бойынша тозу деңгейін 75,14%-ға дейін, жылу желілерінде (5 жоба) – 79,86%-ға дейін, «Қызылжар Су» (8 жоба) сумен жабдықтау бойынша – 54,7%-ға дейін, су бұру саласында – 61%-ға дейін төмендетуді көздеп отыр.