Степногорсктегі жаңажылдық қалашық көпшіліктің наразылығын тудырды

Ақмола облысы Степногорск қаласының тұрғындары жаңажылдық ертегі қалашығының безендірілуін көріп, еріксіз күлкіге булықты, деп хабарлайды Arasha.kz.

Қалашықтағы Аяз Ата мен Ақшақар бейнелері тас қараңғыда балтамен шауып жасалғандай әсер қалдырады, ал қалған кейіпкерлер бұл «шығармашылық процестің» кездейсоқ куәгерлері сияқты көрінеді.

Тұрғындарды, әсіресе, осы «мерекелік сұлулыққа» 10 миллион теңгеден астам қаражат жұмсалғаны қатты таңғалдырды.

Дегенмен, мұның бір жақсы жағы да бар: мұндай безендіруді басқа ешбір қаламен шатастыру мүмкін емес.