Сындарлы кезеңдегі келелі міндеттер

Республика күніне ұлттық мәртебе беру – тарихи әділеттіктің жарқын көрінісі.

Арнамыздағы «Бетпе-бет» бағдарламасына келіп сұхбат берген  Сенат Төрағасы Мәулен Әшімбаев осылай деді. Бағдарлама барысында Сенат спикері Ұлттық мерекенің маңызымен қатар, елімізде Президент тапсырмасымен жүргізіліп жатқан бірқатар саяси реформаларды кеңінен тарқатты.

25 қазан - тәуелсіз Қазақстанның негізі қаланған тарихи күн. 35 жыл бұрын дәл осы күні «Мемлекеттік егемендік туралы декларация» қабылданды. Бұл күн еліміздің өз тағдырын өзі шешуге қабілетті, дербес ел екенін айқындайтын халқымыз үшін маңызды мереке. Сенат төрағасы – осы Республика күнінің  құндылықтарын – жастарға түсіндіруіміз қажет дейді. Себебі ұрпағымыз Тәуелсіздіктің өзегін тереңінен ұғынғаны абзал.

Мәулен Әшімбаев, ҚР Парламенті Сенатының төрағасы:

- Тәуелсіздігіміздің 35 жылдығы ішінде бірталай үлкен жұмыстар жасадық. Әсіресе соңғы жылдары өздеріңіз білесіздер мемлекетімізді жүйелі түрде реформалауға бағытталған Президентіміздің бастамасымен көптеген бағдарламалар жүзеге асырылып жатыр. Соның нәтижесінде біздің тәуелсіздігіміз жаңа деңгейге шығып, мемлекеттілігіміз күшейіп Қазақстан Тәуелсіз мемлекет ретінде әлемде өз орнын алып жан-жаақты саясат жүргізіп келе жатыр деп ауызтолтырып айта аламыз.

Елдік мүдде жолындағы реформалар

Сондай-ақ сұхбат барысында Мәулен Әшімбаев еліміздің экономикалық даму барысына тоқталды. Экономикалық өсімді қамтамасыз ету үшін нарықтық реформаларды жүзеге асыру қажеттігін тілге тиек етті. Мәселен, қазір Президент Үкіметке экономиканы әртараптандыруға қатысты  нақты тапсырмалар жүктеген.

Мәулен Әшімбаев, ҚР Парламенті Сенатының төрағасы:

- Жалпы Президентіміз Қасым-Жомарт Кемелұлы Тоқаевтың саясатының негізгі мақсаты халықтың халықтың әл-ауқатын арттыру. Әрі қарай даму үшін, экономикалық өсімді қамтамасыз ету үшін нарықтық реформаларды жүзеге асыруымыз керек. Бұл да анық нәрсе өйткені экономикалық өсімді қамтамасыз ететін біз сол арқылы халықтың тұрмыс деңгейін көтереміз. Жалақы, халық табысы көбейеді, жұмыс орындары қамтамасыз етіледі, елімізде өндірілетін тауарлардың да саны көбейеді.

Мемлекеттік саясаттың маңызды бағыты

Бағдарлама барысында Парламенттік реформа мәселесі де әңгімеге өзек болды. Мәулен Әшімбаев Сенат Президент жүктеген міндеттерді мүдірмей орындап келе жатқанын айтты.

Мәулен Әшімбаев, ҚР Парламенті Сенатының төрағасы:

- Қазіргі кезде біздің алдымызда тұрған мақсаттардың бірі – өкілді билікті ары қарай күшейту. Бұл демократиялық даму процессіндегі маңызды қадамдардың бірі. Парламенттің құрылымы ел алдында тұрған мақсаттарды жүзеге асырды деп айтуға болдады. Жолдауда Президентіміз Сенат өз тарихи миссиясын табысты жүзеге асырды деген бағасын берді. Бұл абырой.

Президент биылғы Жолдауында маңызды бастамалар көтеріп,  стратегиялық мақсат қойып отыр.  Осы орайда Парламент  уақыт күттірмейтін бірқатар заңдарды қабылдауы  қажет. Мәселен, елімізде биылғы жылдың соңына дейін 19,2 млн шаршы метр тұрғын үй салу жоспарланып отыр. Бұл осыдан 15 жыл бұрынғыдан екі есе көп. Ал саланың тұрақты дамуы үшін Құрылыс кодексі уақыт талабы.

Авторы: Айнұр Қуатқызы