Табыл Құлыяс қазынасы

Л.Н.Гумилев атындағы Еуразия ұлттық университетінің ғылыми кітапханасында белгілі қаламгер, Халықаралық «Алаш» әдеби сыйлығының лауреаты Табыл Құлыястың туғанына 90 жыл толуына орай «Таңдамалы» (VI том) кітабының тұсаукесері өтті. Оған елордалық зиялы қауым өкілдері қатысты.

Табыл Құлыяс – сан қыр­лы қаламгер. Әдебиеттегі алғашқы жолын сатирадан бас­таған жазушы кейін тарихи тұлғалар туралы көлемді туындыларға қалам тартты. Әсіресе ав­тордың атақты жырау әрі ержүрек тұлға «Жиембет батыр» туралы роман-эссесі мен Жиенғали Тілепбергенов жайындағы «Аңыз ізімен» атты романын оқырмандар жылы қабыл­дады. Сондай-ақ қалам­гер­дің зерттеу­шілігі де – бір төбе. Оның XX ғасырдағы хал­қымыздың басынан өткен түрлі зұлматты бейнелеген «Қан­жоса ғасыр» кітабы мұрағаттық деректермен жазылған.

Іс-шара барысында Табыл Құлыястың өнегелі өмірі, адами қасиеті, журналистік қызметі мен шығармалары туралы естеліктер айтылды. Жиынды аталған университеттегі филология факультетінің деканы, ақын Серікзат Дүйсенғазин жүргізді. Кеште алдымен сөз алған белгілі ғалым, жазушы Тұрсын Жұртбай қаламгерді ертеден білетінін айтты.

«Ол кісінің есімін мектепте оқып жүргенде респуб­ликалық басылымдардан жиі кездестіретінмін. Сонау 60-80-жылдардың орта­сындағы Ақтөбе мен Торғай өңіріндегі адамдардың тағ­дырын, олардың қуанышы мен қайғысын осы Табыл ағамыздың жазғандары арқылы біліп жүрдік. Кейін прозалық шығармаларымен таныс­тым. Қаламгер көзі тірісінде қазақтың көптеген тұлғасымен жақын араласты. Солар туралы айтатын қызықты әңгімелері көп еді. Соның бірі – атақты ғалым Ишанбай Қарақұлов болатын», деді ол. Одан кейін академик Дихан Қамзабекұлы Табыл ағамыздың өзі басқарып отырған «Қазақ газеттері» серіктестігінің ардагері ретінде де қадірі бөлек болғанын жеткізді.

«Былтыр біздің балалар басылымдарының бірқатары айтулы мерейтойларын атап өтті. Табыл ағамыз осы басы­лымдарға өткен ғасырдың 60-70-жылдары үзбей жазып тұрған автор ретінде де үлкен орны бар. Бұдан кейін тәуелсіздіктің алғашы кезеңінде Целиноград атауын Ақмолаға ауыстыруға да зор үлес қосты. Тарихымызды түгендеуге де аянбай еңбек етті. Ресейдегі Орынбор, Саратов қала­ларындағы архивтерге барып, ақтаңдақ жылдарға қатысты қаншама құнды тарихи мәліметтер тапты. Соның негізінде деректі шығармалар жазды», деді ғалым.

Жиын аясында Парла­мент Мәжі­лісінің депутаты Марат Бәшімов, ғалым Серік Не­гимов, «Хабар агенттігі» АҚ басқарма төрағасы Ке­мелбек Ойшыбаев, академик Кәрімбек Құрманалиев, тағы басқа танымал азаматтар сөз алып, ардақты тұлғаның жан-жақты қырын ашып сөйледі. Л.Н.Гумилев атындағы Еу­разия ұлттық университетінің академиялық мәселелер жөнін­дегі проректоры Ардақ Бейсенбай аталған оқу орынның ректоры Ерлан Сыдықовтың ізгі лебізін оқып берді. Белгілі әнші, Мемлекеттік сыйлық­тың лауреаты Кенжеғали
Мыр­­­жықбай әуелетіп ән салды. Қаламгердің жаңа жи­нақтары таныстырылды. Іс-шара со­ңында жазушының жары Күләш Маханова осы шараны ұйымдастырушылар мен жиналған қауымға риза­шы­лығын білдірді.

Соңғы жаңалықтар

Педагогтер халықаралық жарыста топ жарды

Білім • Бүгін, 23:42

Жүйелі де сапалы шаралар керек

Пікір • Бүгін, 08:10

Ата заң жобасы: бірнеше бап нақтыланды

Саясат • Бүгін, 08:05

Ел мүддесін қорғау үшін түбегейлі жаңару мен экономиканы нығайту маңызды

Саясат • Бүгін, 08:00

Астанада 7-сынып оқушысы буллингті анықтайтын жүйе ұсынды

Елорда • Бүгін, 00:06

Азия чемпионаты: Ел құрамасы нысана көздеуден тағы екі алтын медаль жеңіп алды

Спорт • Кеше

Мұқағали мұрасы дәріптелді

Әдебиет • Кеше

Мемлекет басшысы Жапония Премьер-министрін құттықтады

Президент • Кеше

Президент Қасым-Жомарт Тоқаевтың Үкіметтің кеңейтілген отырысында сөйлеген сөзі

Президент • Кеше

«Таза Қазақстан»: Абай университетінің студенттері Іле-Алатау паркімен экологиялық жобаларды іске асырады

«Таза Қазақстан» • Кеше

Ризабек Айтмұхан еркін күрестен Бішкектегі халықаралық турнирде бақ сынайды

Күрес • Кеше

Қазақстандық могулшылар Олимпиаданың финалына шығу үшін екінші іріктеу кезеңінде бақ сынайды

Олимпиада • Кеше

Белгілі кәсіпкердің өлімі: Басты күдіктіге сот үкімі шықты

Оқиға • Кеше

Қазақстан биатлоншыларының жекелей сайыстағы нәтижесі қандай?

Олимпиада • Кеше

Баубек Бұлқышев пен Мұқан Иманжановтың шығармашылығына арналған кеш өтті

Аймақтар • Кеше

Барлық жаңалықтар