Теміртауда ерлі зайыптылардың мәйіті табылды: олардың 20 жастағы ұлы күдікке ілінді

Бұл туралы бүгін, 9 қазанда өңірлік Полиция департаментінің баспасөз қызметі хабарлады.

"Аталған дерек бойынша "Адам өлтіру" бабымен қылмыстық іс қозғалды. Жедел-іздестіру іс-шаралары барысында полиция қызметкерлері осы қылмысты жасады деген күдікпен қаза тапқандардың 20 жастағы ұлын анықтап, ұстады. Ол уақытша ұстау изоляторына қамалды. Қазір тергеу жүргізіліп жатыр", – делінген хабарламада.

Полицияның түсіндіруінше, тергеу мүддесіне байланысты өзге ақпарат жария етілмейді.

2026 жылғы 6 қазанда Таразда тапа-тал түсте болған қатыгез кісі өлтіру оқиғасы қала тұрғындарын дүрліктіргені хабарланған еді. Қала орталығында 24 жастағы жігіт өлтірілген. Куәгерлердің айтуынша, оның кеудесіне пышақ сұққан.