Тобыл Торғай күйлері жинағы жарық көрді

Арқалықта «Тобыл-Торғай күйлері» кітабының тұсау кесер рәсімі өтті.

Жинаққа өткен ғасырлардың қойнауында көмескілене бастаған  80 күй енгізілген. Оның 11 халық күйі , қалғаны жарияланбай келген авторлардың төл туындылары. Бұл кітап-Тобыл-Торғай өңіріне  тән дәстүрлі күйшілік өнерді ғылыми тұрғыда саралап, сараптаған  тұңғыш жинақ.

«Тобыл-Торғай күйлері» кітабының авторлары Қазақстан Жазушылар одағының мүшесі, өлкетанушы Батырлан Сағынтаев пен Күйшілер одағының мүшесі Ермек Қазмұханбет мұрағат-қоржында жатып қалған, елдегі есті орындаушы-домбырашылар сақтаған 150 күйді іздеп жүріп жазып алған.Соның 80-і ғылыми сараптамаға негізделіп, жинаққа еңгізілген.

Батырлан Сағынтаев, «Тобыл-Торғай күйлері» кітабының авторы:

- Сонымен қатар кітапта авторлардың Ермек Қажымұханбет екеуміздің жазған осы өңірдің музыкалық мұрасына қатысты зерттеулеріміз берілген. Ел ауызында жүрген өнерпаздардың 30 жуық адамның өмірбаяны, деректері берілген.

Кітаптың тұсау кесер рәсіміне еліміздің түкпір-түкпірінен музыка зерттеушілер, күйші-сазгерлер, белгілі өнер адамдары келді.

Серікбай Оспанов, ақын:

- Біздің жанымыз деп жатырмын домбыра ғой. Домбыраның үні біздің негізгі рухымызды көтеріп кететін. Өйткені біздің қанымызға сіңген нәрсе. Сондықтан бұл кітап өте керемет, өте жақсы, халықтың жан-дүниесін қозғайтын дүние.

«Күйшілік үрдістің аймақтық ерекшелігі, орындаушылық дәстүрі көрініс тапқан бұл музыкалық антологияның қазақ музыка мәдениеті үшін маңызы зор», - дейді мамандар.  

Перизат Қалабайқызы, Көкшетау қаласындағы Біржан сал атындағы музыкалық колледж мұғалімі:

- Болашақта шәркіттерімізге  Торғай өңірінің күйлерін насихаттап, соларға үйретіп, ұмыт болған күйлерімізді жаңғыртамыз деген ойдамыз.

Кітаптың жарық көруіне қолдау көрсеткен Арқалық қаласының әкімі Әмірхан Асанов жинақ авторларына құрмет көрсетіп, сый-сияпат жасады. Және келесі жылдан бастап, Тобыл-Торғай күйлерінің дәстүрлі байқауы өтетіндігін жариялады.

Авторлары: Мағауия Қалиев, Сергей Трахтенберг