Төрешінің әділетсіз шешіміне қарамастан, жеңіп шықты! : Әзербайжан президенті өз елінің командасын қолдады

Әзербайжан президенті Ильхам Әлиев Чемпиондар лигасының жалпы кезеңіндегі 7-турда "Қарабақ" клубының немістің "Айнтрахт" командасын 3:2 есебімен жеңгенінен кейін жазба жариялаған еді, – деп хабарлайды Aikyn.kz сайты.

– Футболдан Чемпиондар лигасының негізгі кезеңінде «Айнтрахтты» жарқын жеңіспен ұтқан «Қарабақ» футбол клубын шын жүректен құттықтаймын!

Төрешінің әділетсіз әрі біржақты шешімдеріне қарамастан, ақыры әділдік салтанат құрды. Бұл – УЕФА тағайындаған төрешілердің объективті емес, күмәнді шешімдері арқылы «Қарабақтың» жеңісті жолына кедергі келтіруге тырысқан алғашқы жағдай емес. УЕФА бұл төрешінің кім тарапынан және қандай негізде тағайындалғанын нақтылап береді деп үміттенемін. Әділдік пен қайсар рухты ешқашан сындыра алмайды. «Қарабақ» жасасын! — деп жазды Әлиев өзінің әлеуметтік желідегі жеке парақшасында.

Қазіргі уақытта "Қарабақ" Чемпиондар лигасының жалпы кезеңінде 10 ұпаймен 18-орында тұр.

Айта кеткен жөн, бүгін түнде "Қарабақ" командасы ағылшындық "Ливерпуль" командасымен ойнайды.