Туризмнің жаңа тынысы

Асқар таудың ақ иығы – Іле Алатауы бүгінде жаһан жұрты көз тіккен туризмнің алтын бесігіне айналып отыр. Соңғы жылдары бұл өлкеге табан тіреген саяхатшылардың қатары көбейді.

Осыған орай, Алматы қаласының Туризм басқармасы тау туризмін жаңа белеске көтеретін ауқымды жобаны қолға алып, енді әлеуетін бес есеге арттыруды көздеп отыр. Болашақта тау баурайлары бір тәулікте 30 мың саяхатшыға дейін қабылдап, заманауи демалыс пен жайлылықтың мекені болмақ. Айта кетейік, 2018 жылдан бері ұлттық паркке келетін туристер 4,5 есеге көбейсе, «Шымбұлақ» жылына 1,5 миллион мейманды қабылдап отыр.