Түркі әлемі Ораза айтты атап өтуде

20 наурыз күні Қырғызстан, Өзбекстан және Әзербайжан астаналарында және басқа да өңірлерінде мұсылмандар қасиетті Рамазан айының аяқталуына орай ұжымдық намаз оқыды, деп хабарлайды АА.

Қырғызстанда Бішкектің орталық алаңдарында ондаған мың адам таңғы намазға жиналды. Президент Садыр Жапаров, парламент спикері және басқа да мемлекеттік басшылар халықпен бірге дұға жасады. Муфтий Абдулазиз Закиров Рамазан айында елдегі 2 мыңнан астам діни мекемеде тарауих намазы оқылғанын атап өтті.

Өзбекстанда Ташкенттегі Хазрати Имам кешенінде мерекелік намазды басқарған Хомиджон Ишматбеков адамдарды татуласуға, қарттар мен науқастарды зиярат етуге шақырды. Президент Шавкат Мирзиёев 100 мыңнан астам отбасыға азық-түлік көмегі көрсетілгенін, 30 мыңнан астам ауызашар ұйымдастырылғанын айтты. Ол сонымен қатар 392 тұтқынға рақымшылық жасады.

Әзербайжанда Баку қаласының мешіттерінде және өңірлерде жамағат намазға жиналды. Президент Ильхам Алиев халықты құттықтап, Рамазан айы қоғамдағы бірлік пен мейірімділікті нығайтатынын атап өтті. Ол шейіт болған сарбаздардың рухына тағзым етіп, елдің тыныштығы мен өркендеуін тіледі.

Түркі халықтары үшін Рамазан – рухани тазалық, мейірім мен ынтымақтың айы. Биылғы мерекелік намаздарда бейбітшілік пен тұрақтылық үшін дұғалар жасалды.

Бүгін, 14:19