Түркістанда бала екі батарея жұтып қойды: не болды

Түркістан облыстық балалар ауруханасында тоғыз айлық нәрестеге шұғыл ота жасалды. Ол екі жалпақ батарейка жұтып қойған, - деп хабарлайды Tengri Health Түркістан облыстық Денсаулық сақтау басқармасына сілтеме жасап.

Бір батарейка ота кезінде алынды

Бала Түркістан облыстық балалар ауруханасына ауыр жағдайда жеткізілген. Тексеру барысында дәрігерлер оның екі батарейка жұтып қойғанын анықтады. Мамандар шұғыл ота жасап, оның тек біреуін ғана алып шыға алды.

Екінші батарейка сол уақытта ішекке өтіп кеткені белгілі болды, сондықтан дәрігерлер науқастың жағдайын бақылауды жалғастырған.

Бірнеше күннен кейін бөгде зат табиғи жолмен шықты.

Отадан кейін тоғыз айлық нәресте үш тәулік бойы жансақтау бөлімінде жатты.

"Қазір уақытта жағдайы тұрақты", - деп хабарлады Түркістан облыстық денсаулық сақтау басқармасы.

Дәрігерлер батарейканы жұтып қою баланың ағзасына ауыр зақым келтіруі мүмкін екенін ескертті.

Мамандар ата-аналарды балалардың қолы жететін жерде ұсақ заттарды, батареялар мен магниттерді қалдырмауға шақырды.

Бізді Google-дың негізгі дереккөздер тізіміне қосыңыз

Түркістан

оқыс оқиға

Балалар

Денсаулық