Түркияның барлау қызметі Пәкістан мен Ауғанстан арасындағы атысты тоқтатуға үлес қосты

Түрік қауіпсіздік агенттіктеріндегі дереккөздердің хабарлауынша, келіссөз Түркия Ұлттық барлау ұйымының (MIT) басшысы Ибрахим Калынның қатысуымен өткен.

Атысты тоқтату туралы пікірталасқа екі елдің жоғары лауазымды тұлғалары, соның ішінде Пәкістан мен Ауғанстанның барлау қызметінің басшылары мен қорғаныс министрлері қатысты. Кездесудің негізгі күн тәртібі қазіргі атысты тоқтатуды ұзарту, сондай-ақ шекарадағы соңғы қарулы оқиғаларды тоқтатудың шешімін табу болды.

Түннің бір уағына дейін жалғасқан келіссөзді мемелкет басшылары жіті бақылап, талқылаулардың барысы туралы жедел ақпарат алды.

Ыстамбұлда атысты тоқтату туралы мәліметтер талқыланады

Ұзақ және түпкілікті атысты тоқтатуды қамтамасыз ету үшін алдағы күндері қосымша кездесулер өткізу жоспарланған. 14 сағатқа созылған келіссөздің қорытындысы бойынша келісімнің егжей-тегжейлерін әзірлейтін техникалық комитеттің бірінші отырысы Ыстамбұлда өтеді деп шешілді.

Бұл кездесуде тараптар терроризмге қарсы күрес, көші-қон ағынын басқару және шекара қауіпсіздігін қамтамасыз ету сияқты мәселелерді түпкілікті шешу үшін ұзақ мерзімді шараларды әзірлеуге назар аударады.

11 қазанда Ыстамбұлда да Түркия, Пәкістан және Катар барлау қызметтері басшыларының үшжақты кездесуі өтіп, оның барысында бір мезгілде Ауғанстан өкілдерімен байланыс орнатылды.

Айта кетейік, Ауғанстан мен Пәкістан атысты тез арада тоқтату туралы келісімге келгені туралы жаздық.