ҰБТ 2026: Грантқа түсу мүмкіндігі жоғары мамандықтар аталды

Бірыңғай ұлттық тестілеу тапсырғаннан кейін мектеп бітірушілер үшін мамандық пен жоғары оқу орнын таңдау кезеңі басталады. Осыған байланысты талапкерлер арасында қай бағыттар бойынша мемлекеттік білім беру грантын алу мүмкіндігі жоғары екені өзекті мәселе болып отыр. Ұлттық статистика бюросының деректеріне сәйкес, 2025-2026 оқу жылында Қазақстанда 73,5 мың студент мемлекеттік грант арқылы жоғары оқу орнына қабылданған. Жалпы алғанда, бұл барлық студенттердің шамамен 35,2%-ын құрайды. Соңғы жылдармен салыстырғанда грант иегерлерінің саны 60%-дан астам артқанымен, олардың үлесі айтарлықтай өзгермеген, деп хабарлайды Egemen.kz.

Салалар бойынша талдау көрсеткендей, ең жоғары грант үлесі «Жаратылыстану ғылымдары, математика және статистика» бағытында тіркелген – 73,9%. Сондай-ақ «Ауыл шаруашылығы және биоресурстар» (64,4%) мен «Ұлттық қауіпсіздік және әскери іс» (61,2%) салаларында да грантпен түскендер көп.

Ал нарықта бәсекесі жоғары «Бизнес, басқару және құқық» бағытында грант үлесі бар болғаны 7% ғана. Бұл салада грант алу әлдеқайда қиын екенін көрсетеді.

Жеке мамандықтар арасында «Физика және химия ғылымдары» (91%), «Жануар шаруашылығы» (90,5%), «Балық шаруашылығы» (89,3%) сияқты бағыттарда грантпен түсу көрсеткіші өте жоғары. IT саласына жақын «Ақпараттық қауіпсіздік» (84%) пен «Телекоммуникациялар» (69,9%) да перспективалы бағыттардың қатарында.

Инженерлік мамандықтарда да мемлекет тарапынан қолдау жоғары: құрылыс, өндіріс және инженерия салаларында грантпен оқитын студенттер үлесі 50-65% аралығында.

Ал ең төмен көрсеткіштер құқықтану (2,5%), шет тілдері (9%), бизнес және басқару (10,4%) және логистика (11,3%) бағыттарында тіркелген.

Сонымен қатар 26,2 мың студент әлеуметтік және квоталық санаттар бойынша грант алған. Олардың ішінде көпбалалы және толық емес отбасылардың балалары, ауыл жастары, ішкі көшіп-қонушылар, жетім балалар мен мүгедектігі бар азаматтар бар.

Мамандардың айтуынша, грант саны мен бағыттардағы бәсеке талапкерлердің таңдауына тікелей әсер етеді, сондықтан мамандық таңдауда тек қызығушылықты ғана емес, нарықтағы бәсекені де ескеру маңызды.

Еске салайық, 10 мамырда Қазақстанда негізгі Ұлттық бірыңғай тестілеу (ҰБТ) басталды. Биылғы сынақ 10 шілдеге дейін жалғасады.

Елімізде 2023-2024 жылдар аралығында оқудан шығарылған тұлғаларға қайта грант беріліп, 85 миллион теңгеден астам қаржы негізсіз жұмсалған.

Бұған дейін  ҰБТ-ға қатысты жаңаша өзгерістердің қандай болатынын жазған едік.

Соңғы жаңалықтар

Қасым-Жомарт Тоқаев Түркия Президентін салтанатты түрде қарсы алды

Қазақстан • Бүгін, 12:00

Үндістандағы табиғи апат: Жойқын дауылдан 89 адам қаза тапты

Әлем • Бүгін, 11:59

«Қадірлі бауырым»: Тоқаев Түркия Президентімен кездесуінен фото жариялады

Президент • Бүгін, 11:43

Ел тұрғындарының алкогольге жұмсайтын шығыны 15,2 пайызға азайды

Қоғам • Бүгін, 11:35

Алакөл шомылу маусымына дайын: Жағалауды енді дрондар бақылайды

Аймақтар • Бүгін, 11:25

«30 минуттық қуат»: BYD көліктерінің иелері неге дабыл қақты?

Қоғам • Бүгін, 11:10

Трамп пен Си Цзиньпин Пекинде кездесті

Әлем • Бүгін, 10:22

Оралда полиция қызметкері қыз зорлады деген күдікпен ұсталды

Оқиға • Бүгін, 10:07

Қоғам белсендісі Санжар Боқаевты қамау мерзімі ұзартылды

Қоғам • Бүгін, 09:59

Қазақтың қымызы Нью-Йоркте алтын жүлде жеңіп алды

Өнім • Бүгін, 09:53

Қазақстанда 32 градусқа дейін күн ысиды

Ауа райы • Бүгін, 09:48

Сәтті серпіліс

Пікір • Бүгін, 09:45

Сапаны арттыратын шешім

Пікір • Бүгін, 09:40

Білімді өрістететін бастама

Білім • Бүгін, 09:35

Алматыда Қаңтар оқиғасы кезінде ұрланған қару табылды

Заң мен Тәртіп • Бүгін, 09:27

Барлық жаңалықтар