GeoFest фестивалінде сұраныста болатын мамандықтар аталды

Цифрландыру есіктен еніп те үлгерді. Бұл үдеріс шапшаң етек жайып келеді. Енді мұның адам қолын ұзарататын зор көмегі болғанымен, болашақта жұмыссыздық деген қауіп бар.

Ал қазіргі мектеп түлектерінің 87%-і мамандығын ата-анасының немесе мұғалімінің қалауымен таңдайды. Өздері таңдап оқуға түспегеннен соң олардың дені болашақта мамандығына сай жұмыс істемейді. Яғни жоғары оқу орнын бітірген түлектердің 60%-і басқа салада тер төгеді. Бұл туралы Ғылым және жоғары білім министрлігінің сараптамасында көрсетілген. «Салдарынан мыңдаған грантқа бөлінген мемлекет қаржысы рәсуа болып жатыр», – дейді сарапшылар. Сондықтан министрлік мектеп оқушылары арасында кәсіби бағдар беру жұмыстарын ширатуға бейіл. Себебі жыл санап түлектер саны артып келеді. Мәселен, биыл 217 мың жас мектеп бітірсе, келесі жылы олардың саны 240 мыңға жетеді деген болжам бар. GeoFest білім фестивалінде келешекте сұраныс болатын мамандықтар туралы және оларды меңгеру жолдары айтылды.

Дамир Самарханов, білім саласының сарапшысы:

- Болашақта енді біздің географиямен тікелей байланысты, география комбинациясындағы мамандықтар жайлы біз атап өтеміз. Жаңа мамандықтар атласы тізіміндегі 35 негізгі мамандықты айтып өтеміз. Соның ішінде логистика, логистик-аналитик, риск-менеджмент, НR-аналитик, продакт-менеджер, продакт-менеджмент, урбанистика, климатология секілді өте қазір актуалды мамандықтар. Эколог мамандығы соңғы бесжылдықта өте актуалды болады. ІТ саласы, жасанды интеллект заманында өмір сүріп жатырмыз. Ол салалар да актуалды болады.