Украина қаруды майданда сынап, бір аптада жетілдіріп жатыр Business Insider

Украинада жаңа қару-жарақты әзірлеу мен жетілдіру процесі бірнеше күн немесе апта ішінде жүзеге асады. Business Insider басылымының жазуынша, бұл тәжірибені қазір НАТО елдері мен Батыс қорғаныс компаниялары мұқият зерттеп жатыр.

Украиналық әскери қызметшілер жаңа техниканы тікелей майданда сынап, өз ұсыныстарын әзірлеушілерге жібереді. Соның негізінде өндірушілер қаруды жедел жетілдіріп, жаңартылған нұсқасын қысқа мерзімде қайта жеткізеді.

НАТО-ның Еуропадағы Біріккен күштері бас қолбасшысының орынбасары Джон Стрингердің айтуынша, Батыс елдеріне дәл осындай жылдамдық жетіспейді. Ал украиналық Frontline Robotics компаниясы өнімдеріне ай сайын 20-ға дейін өзгеріс енгізетінін мәлімдеді.