Ұлттық мұраны сақтаудың кешенді жоспары

Үкімет ЮНЕСКО және ИСЕСКО аясында мәдени мұраны сақтау мен ілгерілетудің 2026-2028 жылдарға арналған кешенді жоспарын бекітті. Тиісті қаулыға Премьер-министр Олжас Бектенов қол қойды. Бұл құжат ұлттық құндылықтарды сақтау ісін жүйелеп қана қоймай, оны халықаралық деңгейде кеңінен танытуға бағытталған маңызды бастама ретінде бағаланып отыр.

Сурет: inbusiness.kz

Жоспарда тарихи-мәдени ескерткіштерді сақтау, материалдық емес мәдени мұраны қолдау, мамандар даярлау, сондай-ақ еліміздің осы саладағы халықаралық бағдарламалар мен бастамаларға қатысуын кеңейту туралы нақты шаралар көзделген. Негізгі міндеттердің қатарында дүниежүзілік мұра нысандарын қор­ғау сапасын арттыру, ұлттық мәдени құнды­лықтарды халықаралық деңгейде ілгерілету, сараптамалық және білім беру базасын дамыту, сондай-ақ мәдени мұраны сақтау ісіне қоғамды кеңінен тарту мәселелері қамтылған.

Кешенді жоспар үш негізгі бағытты қамтиды. Біріншісі – материалдық мәдени мұра нысандарын сақтау мен насихаттау. Бұл бағыт аясында халықаралық маңызы бар ескерткіштердің жай-күйіне тұрақты мониторинг жүргізу, еліміздегі ЮНЕСКО-ның бүкіләлемдік мұра нысандарын басқарудағы әдістемелік құрал әзірлеу, сондай-ақ мәдени мұра объектілерінің алдын ала тізімін кеңейту арқылы оларды халықаралық деңгейде ілгерілету көзделіп отыр.

Екінші бағыт – қазақ халқының материалдық емес мәдени мұрасын дамыту мен қолдау. Бұл ретте жойылып кету қаупі бар ұлттық құндылықтарға ерекше назар аударылған. Атап айтқанда, қазақтың киіз үйін дайындау, безендіру дәстүрі, кілем тоқу өнері, сондай-ақ еліміздің бірқатар өңірінде сақталған терме эпикалық жанры қорғауға алынатын негізгі элементтердің қатарында.

Үшінші бағыт – ЮНЕСКО-ның «Әлем жады» бағдарламасын ілгерілету. Бұл бастама тарихи жадыны сақтауға және құжаттық мұраларды жүйелі түрде қорғауға бағытталған. Жоспарда халықара­лық ынтымақтастықты нығайтуға да ерек­ше мән берілген. Атап айтқанда, «Жібек жолы: Каспий – Еділ дәлізі» номинациясын дайындау бойынша ведомствоаралық және сарап­тамалық консультациялар өткізу жоспар­ланған. Сонымен қатар көпұлтты «Алпа­мыс батыр» эпосын ЮНЕСКО-ның Материал­дық емес мәдени мұралар тізіміне енгізу мақса­тында Әзербайжан, Түркия, Өзбекстан және Түрікменстанмен бірлескен жұмыс жалғасады.

Тағы бір маңызды бағыт – Қазақстанның ИККРОМ, яғни, мәдени құндылықтарды сақтау мен қалпына келтіру мәселелерін зерттейтін халықаралық орталыққа кіруге дайындық. Бұл қадам кәсіби ынтымақтастықты кеңейтіп, мәдени мұра нысандарын сақтау мен қалпына келтіруде заманауи тәсілдерді қолдануға мүмкіндік береді.

Кешенді жоспардың маңызды бөлігі кадр даярлауға арналған. ЮНЕСКО-ның Материалдық емес мәдени мұраны қорғау конвенциясын жүзеге асыру аясында жыл сайын кемінде 30 сарапшы арнайы оқытудан өтеді. Сонымен қатар халықаралық білім  корпорациясының бакалавриат және магистратура бағдарламалары шеңберінде ескерткіш­терді сақтау бойынша тұжырымдамалық және эскиздік жобалар әзірлеу қарастырылған.

Соңғы жаңалықтар

Қор нарығында доллар арзандады

Қаржы • Бүгін, 09:28

Көктемгі дала жұмысы қарқын алды

Шаруашылық • Бүгін, 09:10

Қаладан ауылға бетбұрыс

Ауыл • Бүгін, 09:05

ЖИ агенттерінің жәрдемі

Жасанды интеллект • Бүгін, 09:00

Таңдайдан кетпес ұлт дәмі

Кәсіпкер • Бүгін, 08:58

Қолжетімді сапалы дерек

Digital • Бүгін, 08:55

Саладағы цифрлық серпін

Білім • Бүгін, 08:53

Логопед таппаған ата-ана, маманға зәру мектеп

Білім • Бүгін, 08:50

Пластик қалдығы пайдаға жарады

Аймақтар • Бүгін, 08:48

Қалқанша безі түйіндерін емдеудің тың тәсілі

Медицина • Бүгін, 08:45

Жанға жайлы жатақхана

Аймақтар • Бүгін, 08:43

Шынайы өнер шеруі

Театр • Бүгін, 08:40

Терең тағылым

Руханият • Бүгін, 08:38

Шипа іздеп шетел асудың қажеті жоқ

Медицина • Бүгін, 08:35

«Наршаның сөзі – баршаның сөзі»

Руханият • Бүгін, 08:32

Барлық жаңалықтар