Ұңғыманы сынау жұмыстары нәтижелі болды

Геологиялық барлау стратегия­сын іске асыру Мемлекет бас­шысының елдің ресурстық базасын кеңейту жөніндегі алға қойған міндеттері шеңберінде жүргізіледі. Атырау облысында­ғы «Қаратон Подсолевой» учаске­сін­де жүргізіл­ген терең барлау жұмыстары оң нәтиже көр­сетті. Ұңғыма­ның бірінші нысанын сынақтан өткізу кезінде бұл жерден газ ағыны шықты. Бұл – еліміздің мұнай-газ саласын­дағы маңызды стратегиялық жетістік.

Аталған ұңғыманы бұрғылау 2024 жылдың қарашасында басталып, 2025 жылдың желтоқсан айында 5750 метр тереңдікте аяқталды. Мұндай терең геоло­гиялық барлау жұмыстары технологиялық жағынан күрделі саналады. Әсіресе тым жоғары қабат қысымы мен күкіртті сутектің болуы сақтық шараларын күшей­тіп, қауіпсіз­дік талаптарын қатаң сақтауды қажет етеді. Алайда арнайы технологиялық шешімдердің арқасында мамандар бұл белесті де бағындырып, мемлекеттің дамуы үшін маңызды нәтижеге қол жеткізді. 

«Қаратон Подсолевой» — «Қаз­­Мұнай­­­Газ­­­дың» стратегиялық бар­лау жоба­лары­­ның бірі. Ол еліміздің ресурс­тық қо­рын то­­­лық­тыру үшін қолға алынған әрі жер ас­тында терең орна­ласқан күрде­лі қазба­ны зерттеуге бағытталған. Ұңғы­ма­ның алғашқы ны­санындағы сынақ нәтижелері бұл жер­де көмірсутек қоры бар екенін растап отыр.

Геологиялық барлау жұмыстарын жаңа деңгейге көтеруді мақсат еткен маңызды жоба жақсартылған модельдік келісімшарт аясында жүзеге асырылып келеді. Бұл ел Үкіметінің жер қойнауын пайдалану саласындағы қолға алған басты реформалардың бірі.  Ол еліміздің күрделі кен орындарына деген инвестициялық тартымдылықты едəуір арттырады. Бұл тетік жер қой­науы­ның күрделі учаскелерін барлау мен терең игеруге жағдай жасай отырып, маңызды реттеуші əрі фискалды преференцияларды ұсынады.

Ұңғыманы зерттеу жұмыстары осымен тоқтап қалмайды. Жұмыс жоспарына сəйкес алдағы уақытта тағы болашағы зор төрт мұнайлы-газды нысанда сынақ жүргізу көзделген.

Соңғы жаңалықтар

Отандық оқу орындарының өрісі

Білім • Бүгін, 08:15

Қайта түлеген спорттық инфрақұрылым

Университет • Бүгін, 08:12

ЖИ-аватар

Ғалам ғажаптары • Бүгін, 08:10

Гүлмираның «yoonee.ai» платформасы

Digital • Бүгін, 08:08

Жастар кәсіпкерлігі: қолдау бар, қайтарымы қалай?

Бизнес • Бүгін, 08:05

Білім нысандарын аралады

Аймақтар • Бүгін, 08:03

Робот-полиция

Ғалам ғажаптары • Бүгін, 08:00

Жедел жәрдем автопаркі жаңарды

Аймақтар • Бүгін, 07:55

Бұйырмаған қазы

Ең қысқа әңгіме • Бүгін, 07:50

Сирек аңдармен толықты

Алматы • Бүгін, 07:45

Моноспектакльдегі мөлтек сыр

Театр • Бүгін, 07:40

Жарыс күнделігі

Спорт • Бүгін, 07:35

Аян

Ғалам ғажаптары • Бүгін, 07:30

Петропавлда хабар-ошарсыз кеткен 18 жастағы жігіттің мәйіті орманнан табылды

Оқиға • Кеше

Ертең еліміздің бірқатар өңірінде түман түсіп, боран соғады

Ауа райы • Кеше

Барлық жаңалықтар