Ұшақ бортында өрт шықты видео

Қытайда Air China әуе компаниясының ұшағында литий батареясы салдарынан өрт шықты, - деп хабарлайды Tengrinews.kz тілшісі South China Morning Post басылымына сілтеме жасап.

Қытайда Air China әуе компаниясының ұшағында литий батареясы салдарынан өрт шықты, - деп хабарлайды Tengrinews.kz тілшісі South China Morning Post басылымына сілтеме жасап.

Оқиға 18 қазанда Ханчжоудан Сеулге бағыт алған CA139 рейсінде болған.

Әуе компаниясының мәліметінше, жолаушылардың бірінің қол жүгінде, орындықтардың үстіндегі жүк сөресіне қойылған литий батареясы өздігінен тұтанып кеткен.

Экипаж өртті жедел сөндірді. Бортта болғандардың ешқайсы зардап шеккен жоқ.

Ұшу қауіпсіздігін қамтамасыз ету үшін ұшақ Шанхай‑Пудун халықаралық әуежайына жоспардан тыс қонуға мәжбүр болды.

Air China дерегінше, рейс таңғы 9:47-де ұшып шығып, Инчхонға 12:20‑да келуге тиіс еді.

Желіде жолаушы түсірген видео тарады. Кадрларда жолаушылар мен бортсеріктер жүк сөресінен шыққан жалынды сөндіруге тырысып жатқаны, корей тілінде "Тезірек!" деген айқай естілетіні байқалады.

Fire breaks out in the overhead luggage bin on board Air China flight CA139 while flying between Hangzhou and Seoul.
It is understood that the cause of the fire was a lithium battery in a passenger's luggage spontaneously combusting.
The cabin crew contained the fire and the… pic.twitter.com/IV5LEYxIy5

— Breaking Aviation News & Videos (@aviationbrk) October 18, 2025

Жолаушылардың бірі өрт шықпас бұрын қатты тарс еткен дыбыс естіген.

Бұл оқиға - Азияда литий батареяларының тұтануына байланысты тіркелген кезекті жағдайлардың бірі. Мұндай батареялар әуе сапарларының қауіпсіздігіне тәуекел тудыратыны жиі айтылып келеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!