Ван И: Қытай мен Еуропа қарсылас емес, серіктес

Сондай-ақ, ҚКП ОК Саяси бюросының мүшесі Ван И бұл мәлімдемені Мюнхен қауіпсіздік конференциясы аясындағы «Қытай әлемде» сессиясындағы сөзінен кейін Қытай мен Еуропалық одақ арасындағы қатынастар туралы сұрақтарға жауап беру барысында жасады.

Дипломат Қытай мен Еуропа арасындағы серіктестіктің тереңдігін олардың жарты ғасырдан астам уақытқа созылған өзара ықпалдастығы және күнделікті тауар айналымының 2 млрд АҚШ долларынан асатыны айқын көрсететінін атап өтті. Сонымен қатар, ол айырмашылықтарды асыра көрсету қытай-еуропалық қатынастарға зиян келтіруі мүмкін екенін ескертті.

Қоғамдық құрылым, құндылықтар мен даму жолдарындағы айырмашылықтарды мойындай отырып, Ван И бұл өзгешеліктер бір-біріне қарсылас болуға негіз бермейтінін айтты. Оның сөзінше, алшақтықтар текетіреске себеп болмауы тиіс. Керісінше, дұрыс ұстаным — өзара құрмет, өзара қолдау және өзара үйрену арқылы бірлесіп ортақ дамуға қол жеткізу және әлемге жарық сыйлау.

ҚХР СІМ басшысы көне қытай даналығын мысалға келтірді. 

— Барлық нәрсе бір-біріне кедергі келтірмей қатар дамиды; барлық жол бір-біріне қайшы келмей қатар жүреді», сондай-ақ «ізгі адам біркелкілікке емес, үйлесімге ұмтылады, — деді ол.

Ван Идің түсіндіруінше, бұл айырмашылықтарды мойындай отырып, үйлесімді қатар өмір сүруге ұмтылуды білдіреді — «ізгі адамның жолы» деп аталатын қағида. Қытай мен Еуропа осы қағиданы басшылыққа алуы тиіс.

Ол бүгінгі күрделі әрі тұрақсыз халықаралық жағдайда екі тарап та көпжақтылықты іс жүзінде жүзеге асырып, БҰҰ беделін қорғап, біржақты қысымға қарсы тұрып, блоктық текетіреске жол бермеуі керектігін атап өтті.

Ван И тараптар ҚХР төрағасы Си Цзиньпин ұсынған төрт жаһандық бастаманы бірлесіп жүзеге асырып, анағұрлым әділ әрі ұтымды жаһандық басқару жүйесін қалыптастырады деген үміт білдірді. Оның айтуынша, бұл қытай-еуропалық ынтымақтастықтың ортақ бағытына айналуы тиіс.

Осыған дейін Қытай мен АҚШ есірткіге қарсы ынтымақтастықты нығайтатынын жазғанбыз.